ანჩელოტის მბაპე არ სჭირდება? - იტალიელის მინიშნება ჟურნალისტებს
მადრიდის „რეალი“ საუცხოო ფორმაშია და ლა ლიგის გასულ ტურში მთავარი კონკურენტი „ჟირონა“ 4:0 გაანადგურა.
სპორტულ მედიაში კი არ წყდება კილიან მბაპეს შესახებ საუბრები. ფრანგ სუპერვარსკვლავს კვლავ „სამეფო კლუბს“ უკავშირებენ.
პრესკონფერენციისას, კარლო ანჩელოტის მბაპეს შესახებ ჰკითხეს, რაზეც იტალიელმა სპეციალისტმა უპასუხა:
„თქვენ მუდმივად მეკითხებით მოთამაშეზე, რომელიც სხვა გუნდში თამაშობს. „რეალს“ ჰყავს მსოფლიოს საუკეთესო ფეხბურთელები. თანმიმდევრობით: ვინისიუსი პირველი, ბელინგემი მეორე, როდრიგო მესამე. შემდეგ მოდიან კროოსი, ვალვერდე კამავინგა..“
ავტორიტეტულმა გამოცემა GOAL-მა იტალიელი მწვრთნელის ეს კომენტარი აღიქვა ისე, რომ თითქოს მას კლინიან მბაპე არ სჭირდება. საფეხბურთო სამყარო კი ფრანგი თავდამსხმელის გადაწყვეტილებას ელის.
