მაგარი მატჩების შემდეგ - შენგელია იტალიაში ტურის სიმბოლურში მოხვდა
თორნიკე შენგელიას „ვირტუს ბოლონიაში“ კარგი თამაში დაუფასდა და იტალიის ჩემპიონატის მე-13 ტურის სიმბოლურ გუნდში მოხვდა.
ამ ტურში „ვირტუს ბოლონია“ სტუმრად „პისტოიას“ დაუპირისპირდა და 91:70 დაამარცხა.
ქართველმა კალათბურთელმა პარკეტზე 24 წუთი დაყო. ამ პერიოდის განმავლობაში მან 16 ქულას, 4 მოხსნას და 2 შედეგიან გადაცემას მოუყარა თავი. საქართველოს ნაკრების კაპიტანმა ერთი 3-ქულიანი ისროლა და ააცილა. ასევე თორნიკემ 2 საჯარიმო ისროლა და ორივე ზუსტი აღმოჩნდა. შენგელიამ 2-ქულიანის ჩაგდება 10-ჯერ სცადა და 7-ჯერ გამოუვიდა.
Il ???? DREAM TEAM UMANA ???? della 13^ giornata, scelto da voi tramite votazione sull'app di LBA!
— Lega Basket Serie A (@LegaBasketA) December 26, 2023
Hackett - Mannion - Gentile - Grazulis - Shengelia ????#TuttoUnAltroSport pic.twitter.com/qHdzK0GgnL
თოკოს გარდა სიმბოლურ ხუთეულში ალესანდრო ჯენტილე (სკაფატი), დანიელ ჰაკეტი (ვირტუს ბოლონია), ნიკო მანიონი (ვარეზე) და ანდრეის გრაზულისი (ტრენტო) მოხვდნენ.
ამ მომენტისთვის „ვირტუს ბოლონია“ სატურნირო ცხრილში 18 ქულით მე-3 პოზიციაზე იმყოფება.
