შენგელიას 15 ქულა საკმარისი არ აღმოჩნდა | ვირტუს ბოლონია ბაიერნთან დამარცხდა
თორნიკე შენგელიას „ვირტუს ბოლონია“ ევროლიგის ეგიდით გამართულ მე-11 შეხვედრაში დამარცხდა და „ბაიერნის“ წინააღმდეგობა ვერ დაძლია. ქართველი კალათბურთელის გუნდმა მეორე ტაიმი ჩააგდო და 76:90 წააგო.
„ვირტუს ბოლონიამ“ პირველი მეოთხედი 28:20 მოიგო, მეორე პერიოდი კი 18:24 დათმო - 46:44. მესამე პერიოდში, „ბაიერნმა“ მეტოქეზე 6-ით მეტი ქულა ჩააგდო, ბოლო მეოთხედში კი ბოლონიური კლუბის მრისხანე შეტევას თამაშში დაბრუნების საშუალება არ მისცა.
SCONFITTA ❌
— Virtus Segafredo Bologna (@VirtusSegafredo) November 30, 2023
La Segafredo si perde nel secondo tempo ed esce sconfitta da Monaco
???? Belinelli 21, Shengelia 15, Dunston 10, Hackett 6, Mickey 5, Cordinier 5, Lundberg 3, Pajola 3, Smith 3, Cacok 2, Dobric 2#AmarsiAncora pic.twitter.com/Zy115Wy81S
თორნიკე შენგელიას 15 ქულა, 5 მოხსნა და 3 შედეგიანი გადაცემა ჰქონდა. ქართველმა ცენტრმა პარკეტზე 33 წუთი და 52 წამი გაატარა და 10-დან 5 ორქულიანი და 6-დან 5 საჯარიმო გამოიყენა. „ვირტუს ბოლონიას“ რიგებში მასზე მეტი ქულა მხოლოდ მარკო ბელინელიმ დააგროვა - 22.
ამრიგად, „ვირტუს ბოლონიას“ 7 მოგება და 4 წაგება აქვს და სატურნირო ცხრილის მე-4 პოზიციას იკავებს. ბოლონიელები მომდევნო შეხვედრას იტალიის ჩემპიონატში გამართავენ და 3 დეკემბერს, საკუთარ კედლებში „ტორტონას“ დაუპირისპირდებიან.
