გადაწყვეტილება მიღებულია - სიგუა შვეიცარიის სუპერ ლიგამ დასაჯა
შვეიცარიის სუპერ ლიგის გასულ ტურში „ბაზელმა“ „სერვეტს“ უმასპინძლა და 1:4 დამარცხდა. წაგება, რა თქმა უნდა, არასასიამოვნოა, მაგრამ აღნიშნული დაპირისპირება გაბრიელ სიგუასთვის ორმაგად ცუდი აღმოჩნდა.
ბრედლი მაზიკუსთან უხეშობის გამო, ქართველი ფეხბურთელი მსაჯმა მინდვრიდან მე-18 წუთზე გააძევა.
დღეს ცნობილი გახდა, რომ შვეიცარიის სუპერ ლიგამ გადაწყვეტილება მიიღო, რომლის მიხედვითაც სიგუა 2-მატჩიანი დისკვალიფიკაციით დაისაჯა.
ცნობისთვის, „ბაზელი“ შემდეგ ორ მატჩს „სენტ გალენისა“ და „ლოზანას“ წინააღმდეგ გამართავს. ამ მომენტისთვის, ქართველი ფეხბურთელის კლუბი ცხრილის ბოლო ადგილზე იმყოფება და გავარდნის დიდი შანსი არსებობს.