სამედიცინო შემოწმება გაიარა - რომეუ ბარსელონაში ითამაშებს
სერხიო ბუსკეტსის წასვლის შემდეგ, კატალონიის „ბარსელონა“ მის შემცვლელს ეძებდა. მთავარი კანდიდატი მარსელო ბროზოვიჩი იყო, თუმცა ხორვატი ნახევარმცველი საუდის არაბეთში წავიდა.
ბროზოვიჩის შემდეგ, კატალონიური გრანდი თავისი ყოფილი ფეხბურთელის ორიოლ რომეუს გადაბირებას ცდილობდა და როგორც ჩანს, გამოუვიდა.
გავლენიანი სატრანსფერო ექსპერტი და ცნობილი სპორტული ჟურნალისტი ფაბრიციო რომანო, „ტვიტერის“ საკუთარ გვერდზე ახალ ინფორმაციას ავრცელებს.
ვიგებთ, რომ „ბარსელონას“ და „ჟირონას“ შორის შეთანხმება შედგა. ფეხბურთელმა სამედიცინო შემოწმება გაიარა და ახლა ბიუროკრატიული დოკუმენტების მოგვარება დარჩა. „ბლაუგრანა“ რომეუს სულ მალე ოფიციალურად წარადგენს.
შეგახსენებთ, რომ 31 წლის ნახევარმცველი „ბარსელონას“ აღზრდილი გახლავთ, ხოლო მთავარ გუნდში მხოლოდ 2 მატჩი აქვს ჩატარებული.
Barcelona are set to seal Oriol Romeu deal, here we go! ???????????????? #FCB
— Fabrizio Romano (@FabrizioRomano) July 17, 2023
Agreement reached with Girona — it will include Pablo Torres’ loan until 2024.
Medical done as @JijantesFC called and it’s now time to prepare documents in order to get it signed.
Oriol joins Barça this week. pic.twitter.com/lTpuBNOWYg
