ბარსელონაში დაბრუნების შანსი 1 პროცენტია | უახლესი ცნობები მესიზე
ლიონელ მესის „ბარსელონაში“ დაბრუნება პრაქტიკულად გამოირიცხა. კატალონიელი ჟურნალისტის, ჟერარ რომეროს ცნობით, იმის შანსი, რომ „ლა პულგამ“ „ბლაუგრანას“ მაისური კიდევ მოირგოს, 1 პროცენტია. ამ ინფორმაციას Sport-იც ადასტურებს და წერს, რომ „ბარსა“ დანებებასთან ერთ ნაბიჯშია.
„ბარსელონას“ ვარიანტის გამორიცხვის შემდეგ, შესაძლოა, მოვლენები ორი სცენარით განვითარდეს. პირველი - მესიმ საუდის არაბეთს მიაშუროს, მეორე - კარიერა MLS-ში გააგრძელოს. ესპანური, ფრანგული და არგენტინული პრესის ინფორმაციით, ლეოს გაფორმების ფავორიტი „ინტერ მაიამია“.
RMC Sport-ის მიხედვით, ლეომ „ალ-ჰილალის“ 1-მილიარდიან წინადადებაზე უარი თქვა, რადგან თვლის, რომ მისი ოჯახის წევრები საუდის არაბეთში თავს კარგად ვერ იგრძნობენ. პარალელურად, „ინტერ მაიამი“ გააქტიურდა და L’Equipe-ის მიხედვით, ამ ეტაპზე მთავარი სწორედ MLS-ის წარმომადგენელია.
L'Inter Miami en pole pour recruter Lionel Messi
— L'ÉQUIPE (@lequipe) June 7, 2023
Les discussions sur l'avenir de Lionel Messi, courtisé par le Barça, l'Inter Miami et l'Arabie saoudite, se poursuivent. Mais la franchise de MLS tient à présent la corde https://t.co/zasQi3YTH6 pic.twitter.com/KNsAfLk6f3
შეგახსენებთ, მესი „ბარსას“ აღზრდილია, კატალონიურ კლუბში 2004-21 წლებში თამაშობდა, ჩემპიონთა ლიგა ოთხჯერ მოიგო, ლა ლიგა - 10-ჯერ. გასული ორი სეზონი პსჟ-ში გაატარა, თუმცა ეს წლები მისთვის წარმატებული არ ყოფილა, ლიგა 1 ორივე სეზონში მოიგო, ჩემპიონთა ლიგაზე მიზანს ვერ მიაღწია.
