ჩიხრაძის მაგარი გოლი - საქართველო ნახევარფინალში დამარცხდა

International Socca Federation-ის მიერ ორგანიზებულ მინი ფეხბურთის ევროპის ჩემპიონატის ნახევარფინალში საქართველოს მასტერ ლიგის ნაკრები ტურნირის ოთხგზის გამარჯვებულთან, რუმინეთთან 1:3 დამარცხდა, თუმცა ნახევარფინალში გასვლით მსოფლიოს ჩემპიონატზე ასპარეზობის უფლება მოიპოვა. რუმინეთს ერთადერთი გოლი ლევან ჩიხრაძემ საჯარიმო დარტყმით გაუტანა და ანგარიში გაათანაბრა, რის შემდეგაც რუმინეთმა 2 გოლი შეაგდო.

საქართველოს ნაკრები მესამე ადგილისთვის მატჩს დღეს გამართავს.

შეგახსენებთ, აღნიშნული ტურნირის D ჯგუფში საქართველომ ორივე მატჩი მოიგო და პირველ ადგილზე გავიდა.

პირველ ტურში საქართველომ ირლანდია 2:1 დაამარცხა, გიორგი კიკნაძემ ანგარიში გახსნა, ჯეჯო ჯალიაშვილმა გამარჯვების გოლი შეაგდო.

მეორე ტურში საქართველომ კვიპროსი 3:2 დაამარცხა. გოლები ლაშა კუკუჯანაშვილის, ლევან ჩიხრაძისა და დავით ბობოხიძის ანგარიშზეა. ტურნირი მოლდოვის დედაქალაქ კიშინიოვში იმართება.

1/4-ფინალში ქართველმა ფეხბურთელებმა ალბანელები 4:1 დაამარცხეს. პირველ ტაიმში ერთადერთი გოლი ლაშა ღონღაძემ გაიტანა. მეორე ტაიმში გიორგი კიკნაძემ ანგარიში გაზარდა. ალბანელებმა სხაობა ერთი ბურთით შეამცირეს, თუმცა ლუკა ბლიაძემ ორგოლიანი უპირატესობა აღადგინა. მეოთხე გოლი ლევან ჩიხრაძის აქტივშია.