„ჩვენთვის ბრწყინვალე გამოცდა იქნება“ - შავი ლომი სამხ. ამერიკულ ტურნეში მიემგზავრება
რაგბი ევროპის ჩემპიონატის დასრულების შემდეგ, პირველი პროფესიული ქართული ფრენჩაიზი „შავი ლომი“ სამხრეთ ამერიკულ ტურნეში მიემგზავრება.
გამგზავრებამდე 1 დღით ადრე, ქართველ მორაგბეებს საქართველოში ბოლო ვარჯიში დღეს უნდა ჩაეტარებინათ, თუმცა უამინდობის გამო ვარჯიში გაუქმდა, რის გამოც მორაგბეებმა მცირე დატვირთვით სპორტ-დარბაზში ივარჯიშეს.
სამხრეთ ამრერიკულ ტურნეში გაფრენამდე, „შავი ლომის“ მთავარმა მწვრთნელმა, ლევან მაისაშვილმა და მორაგბეებმა, მერაბ შარიქაძემ და შალვა მამუკაშვილმა მოსამზადებელი ეტაპი შეაფასეს და აღნიშნული ტურნეს მნიშვნელობის შესახებ ისაუბრეს. სასიამოვნო სიახლეა, რომ ცოტა ხნის წინ გუნდს ლეგენდარული ბორჯღალოსანი, მიხეილ ნარიაშვილი შეუერთდა, რომელმაც მძიმე ტრავმა მოირჩინა და სრული დატვირთვით სათამაშოდ მზადაა.
ლევან მაისაშვილი:
შალვა მამუკაშვილი:
მერაბ შარიქაძე:
რადგან „შავი ლომი“ ბორჯღალოსნების ბირთვს წარმოადგენს, სამხრეთ ამერიკული ტურნე 2023 წლის მსოფლიო თასისთვის მზადების ნაწილია. ჩვენი გუნდი აპრილსა და მაისის დასაწყისში ამერიკის სუპერ ლიგის მონაწილეებთან კონკურს გარეშე ხუთ შეხვედრას გამართავს, ანუ არ ჩაერთვება ტურნირში და არ იბრძოლებს თასის მოსაპოვებლად.
სამხრეთ ამერიკის სუპერ ლიგა 2019 წელს დაარსდა, თუმცა პირველი ტურნირის ჩატარება მხოლოდ 2021 წელს გახდა შესაძლებელი და მასში არგენტინის, ურუგვაის, ბრაზილიის, ჩილეს, კოლუმბიისა და პარაგვაის პროფესიული ფრენჩაიზები იღებდნენ მონაწილეობას. პირველი გათამაშების გამარჯვებული არგენტინული „ხაგუარეს XV“ გახდა, ხოლო 2022 წლის ტურნირი ურუგვაის „პენაროლმა“ მოიგო.
მას შემდეგ ტურნირის ორგანიზატორებმა ფორმატის გაფართოებაზე დაიწყეს ფიქრი და წელს მონაწილეთა რაოდენობა 8-მდე გაიზარდა. მონაწილეთა შორის აღარ არიან კოლუმბიელები. სამაგიეროდ გამოჩნდა შეერთებული შტატების გუნდი „რეპტორსი“, არგენტინელებმა კი მეორე ქვოტაც მიიღეს და წელს ამერიკის სუპერ ლიგაში ორი ფრენჩაიზი ეყოლებათ. სამომავლოდ ტურნირში კანადის და სხვა ქვეყნის ფრენჩაიზების ჩართვაც იგეგმება.
თვენახევრის განმავლობაში „შავი ლომი“ ურუგვაიში, მონტევიდეოში შეიკრიბება და ხუთიდან ოთხ თამაშს „შარუაზე“ გამართავს, რომელიც 1984 წელს აშენდა, რეკონსტრუქცია 2018 წელს ჩაუტარდა და 11 226 მაყურებელს იტევს. იქნება ერთობლივი ვარჯიშები ადგილობრივ ფრენჩაიზთან, რომლის შემადგენლობის 90% ურუგვაის ნაკრებს წარმოადგენს.
„შავი ლომის“ განრიგი:
8 აპრილი. მონტევიდეო. „შარუა“
შავი ლომი (საქართველო) – დოგოს XV (არგენტინა)
14 აპრილი. მონტევიდეო. „შარუა“
შავი ლომი (საქართველო) – სელკნემ (ჩილე)
21 აპრილი. ბუენოს აირესი. „კასა პუმას“
შავი ლომი (საქართველო) – პამპას (არგენტინა)
28 აპრილი. მონტევიდეო. „შარუა“
შავი ლომი (საქართველო) – Sudamerica Rugby XV
6 მაისი. მონტევიდეო. „შარუა“
შავი ლომი (საქართველო) – პენაროლ (ურუგვაი)