ბითაძის 3 მოხსნა და უქულო მატჩი - ორლანდომ კლიპერსი დაამარცხა
NBA-ში „ლოს ანჯელეს კლიპერსი“ შინ „ორლანდო მეჯიქთან“ 108-113 დამარცხდა.
გამარჯვებულთა რიგებში გოგა ბითაძემ 15:05 წუთი ითამაშა. მის აქტივში 3 მოხსნა, 2 პასი და 1 ჩაჭრაა. გოგამ შეხვედრა უქულოდ დაასრულა, თამაშიდან ორჯერ ისროლა, თუმცა წარუმატებლად. მათ შორის ერთი სროლა პერიმეტრიდან იყო.
„ორლანდო მეჯიქმა“ 71-დან 29 შეხვედრა მოიგო, 42 დათმო. შემდეგ შეხვედრას „ლოს ანჯელეს ლეიკერსთან“ სტუმრად, 20 მარტს გამართავს. თამაში 05 საათსა და 30 წუთზე დაიწყება.
შეგახსენებთ, NBA-ში გოგა ბითაძის მსგავსად გუნდი სანდრო მამუკელაშვილმაც შეიცვალა, რომელიც „სან ანტონიოში“ შესანიშნავად გამოიყურება. ბოლო შეხვედრაში „მემფისმა“ „სან ანტონიოს“ 126:120 მოუგო. მამუკელაშვილმა 22:45 წუთი ითამაშა. მისი მონაგარი 6 ქულა, 14 მოხსნა, 2 პასი და 1 ჩაჭრა იყო. სანდრომ 5-დან 2 ორქულიანი ჩააგდო, 4-დან 2 საჯარიმო და 1 არაზუსტი სამიანიც ისროლა. რაც შეეხება სანდროს 14 მოხსნას, ეს მის კარიერაში (NBA) უმაღლესი შედეგი და პირადი რეკორდია. აქამდე მას 13 მოხსნა (კლივლენდთან) „მილუოკიში“ ყოფნისას ჰქონდა.
