„უნდა ვაღიაროთ, ნაპოლი განსაკუთრებულ სეზონს ატარებს“ - პიოლი

„მილანის“ მთავარმა მწვრთნელმა, სტეფანო პიოლიმ Football Italia-სთან ინტერვიუს დროს გუნდის ამბიციებსა და სერია A-ს მიმდინარე სეზონზე ისაუბრა.

52 წლის სპეციალისტმა სატურნირო ცხრილის ლიდერი „ნაპოლიც“ შეაქო და განაცხადა, რომ სპალეტის გუნდი განსაკუთრებულ სეზონს ატარებს.

რას ამბობს პიოლი:

ჩვენ ოთხეულში ადგილის დასაკავებლად ვიბრძვით და ეს მნიშვნელოვანი მიზანია. მივხვდით, როგორი შესანიშნავია ჩემპიონთა ლიგაზე თამაში და გვინდა, რომ ამ ტურნირზე ყოველწლიურად ვიყოთ. აუცილებელია, რომ სეზონის ბოლომდე ყველა თამაშში მაქსიმუმი გავაკეთოთ და დასახულ მიზანს მივაღწიოთ.

ცნობილ რეცესიამდე ჩემპიონობისთვისაც ვიბრძოდით, მაგრამ ამის შანსი თითქმის აღარ გვაქვს. ამის გაკეთება შეგვეძლო იმ შემთხვევაში, თუ „ნაპოლი“ ვერ გააკეთებდა იმას, რასაც ახლა აკეთებს. უნდა ვაღიაროთ, რომ ისინი ყველა გუნდთან შედარებით გამორჩეულები არიან და განსაკუთრებულ სეზონს ატარებენ. ეს უნდა მივულოცოთ.

დანარჩენი, ჩვენი დონის გუნდები დაძაბულად მიდიან და რომ არა „ნაპოლის“ ასეთი გაქცევა, ისინი ჩემპიონობისთვისაც იბრძოლებდნენ.

შეგახსენებთ, რომ 23 ტურის შემდეგ, ნაპოლი სერია A-ს სატურნირო ცხრილს 62 ქულით ლიდერობს და მეორეადგილოსან „ინტერს“ 15 ქულით უსწრებს, „მილიანი“ კი 44 ქულით მე-4 პოზიციაზე იმყოფება. ამდენივე ქულა აქვს მესამეადგილოსან „რომას“, მე-5 პოზიციაზე კი 42 ქულით „ლაციო“ იმყოფება.