„ნეაპოლი საოცარი ქალაქია, აქ ფეხბურთისთვის ვცხოვრობთ“ - ხვიჩას კომენტარი
გუშინ, ნეაპოლში მდებარე კინოთეატრ The Space-ში ცნობილი იტალიელი რეჟისორის, ალესანდრო სიანის ახალი ფილმის, „Tramite amicizia“-ის პრეზენტაცია გაიმართა, რომელზეც „ნაპოლის“ ფეხბურთელებიც ესწრებოდნენ.
მათ შორის ერთ-ერთი იყო ხვიჩა კვარაცხელიაც. რომელიც პრემიერაზე დამსწრე საზოგაროების წინაშე მცირე სიტყვითაც წარსდგა და ქალაქ ნეაპოლზე თავისი შთაბეჭდილებები გააზიარა.
რა თქვა ხვიჩამ:
ნეაპოლი ჩემთვის ულამაზესი ქალაქია. როდესაც აქ ჩამოვედი, შოკირებული ვიყავი, რადგან მსგავსი არასდროს, არსად არ მინახავს. ხალხი ფეხბურთით ცხოვრობს. მინდა ამ მხარდაჭერისთვის მადლობა გადაგიხადოთ.
VIDEO NM - #Osimhen, #Kvaratskhelia, #Raspadori, #Simeone, Di Lorenzo e #Gollini al The Space Cinema per il film “Tramite Amicizia” di #Siani @victorosimhen9 @simeonegiovanni #alessandrosiani pic.twitter.com/yM1tWgbqBK
— Napoli Magazine (@napolimagazine) February 13, 2023
კვარაცხელიას გარდა, ღონისძიებაზე „ნაპოლის“ სხვა ფეხბურთელებიც გამოვიდნენ, მათ შორის იყო გუნდის კაპიტანი, ჯოვანი დი ლორენცო:
„წარმოუდგენელ მხარდაჭერას ვგრძნობთ. თქვენ ნადმვილად ყოველდღიურ რეჟიმში ფეხბურთით სუნთქვთ და ყოველ კვირას საოცარ მხარდაჭერს გვაძლევთ. გვინდა, რომ ჩვენით იამაყოთ და გაგახაროთ“, - განაცხადა დი ლორენცომ.
???? Il Napoli, Siani e San Valentino.
— Official SSC Napoli (@sscnapoli) February 13, 2023
????️ #TramiteAmicizia pic.twitter.com/Frr5O9J7FX
შეგახსენებთ, რომ 22 ტურის შემდეგ „ნაპოლი“ სერია A-ს სატურნირო ცხრილში 59 ქულით პირველ ადგილს იკავებს და მეორეადგილოსან „ინტერს“ 15 ქულით უსწრებს. ლუჩანო სპალეტის გუნდი მომდევნო შეხვედრას 17 თებერვალს, საქართველოს დროით 23:45 საათზე სტუმრად „სასუოლოსთან“ გამართავს.
