„გვაჩვენა, რომ მსოფლიო დონისაა“ - რას წერენ ესპანურ პრესაში მამარდაზე

ლა ლიგის მე-17 ტურის გადადებულ შეხვედრაში, გიორგი მამარდაშვილის „ვალენსია“ „რეალს“ დაუპირისპირდა და 0:2 დამარცხდა. ქართველ მეკარეს კარგი მატჩი ჰქონდა, ორი რთული ბურთი მოიგერია და ჯამში 5 სეივი დააგროვა, თუმცა ეს „ღამურებისთვის“ საკმარისი მაინც არ აღმოჩნდა.

როგორ შეაფასა AS-მა მამარდას თამაში

„ვალენსიას რიგებში საუკეთესო იყო, თუმცა ასენსიოს დარტყმა ვერ დაინახა და გაქვავდა. მამარდაშვილმა ორი კარგი სეივი გაიფორმა და ერთ-ერთი ასენსიოს დარტყმისას განახორციელა“.

რას წერს Plazadeportiva

„ვალენსიასთვის მატჩი ცუდად დაიწყო. რეალს პირველი მომენტი მე-3 წუთზე შეექმნა, მაგრამ მამარდაშვილმა კიდევ ერთხელ გვაჩვენა, რომ მსოფლიო დონის მეკარეა და ასენსიოს დარტყმა მოიგერია. მეორე ნახევარი პირველის მსგავს სტილში წარიმართა და რეალი მამარდაშვილის კართან აქტიურობდა, ოღონდ, ამჯერად, წარმატებით შეუტია. 52-ე წუთზე, ასენსიომ ანგარიში გახსნა, 54-ზე კი ვინისიუსმა რეალის უპირატესობა გაზარდა და ვალენსიამ მატჩი პრაქტიკულად 9 წუთში დათმო“.

შეგახსენებთ, რომ „ვალენსიას“ 20 ქულა აქვს და სატურნირო ცხრილის მე-14 პოზიციას იკავებს. „ღამურები“ მე-18 ადგილზე მყოფ „კადისს“ 1 ქულით უსწრებენ და მომდევნო შეხვედრა 5 თებერვალს, „ხირონასთან“ ელით.