პუმასმა ალვეშს კონტრაქტი თავად გაუწყვიტა, ახლა კი კომპენსაციის სახით 1 მილიონს სთხოვს

დანი ალვეშის ბრალდებისა და დაპატიმრების შესახებ ამბავი სიახლე არავისთვისაა. ბრაზილიელი უკვე 13 დღეა ციხეშია.

დაკავებიდან მალევე ცნობილი გახდა, რომ დანის კლუბმა „პუმასმა“ განაჩენის გამოტანამდე გადაწყვიტა, რომ ფეხბურთელისთვის ხელშეკრულება მათი ინიციატივით ცალმხრივად გაეწყვიტა და ასეც მოიქცნენ.

ალვეში „პუმასში“ სულ რაღაც 6 თვის გადასულია. საინტერესო და უცნაურია, რომ „პუმასმა“ დღეს ფეხბურთელისგან კომპენსაციის სახით 1 მილიონი დოლარი მოითხოვა. ინფორმაციას UOL Sporte ავრცელებს.

წყარო წერს, რომ ალვეშის დაპატიმრების შედეგად კლუბმა დაახლოებით 4,5 მილიონი დოლარის ზარალი ნახა. საუბარია ხელშეკრულებით გათვალისწინებულ პირობებზე.

„ნებისმიერ სკანდალში, რომელიც გასაჯაროვდება“ ან „ნებისმიერი ქმედება, რომელიც განიხილება დანაშაულად იმ ქვეყნის კანონმდებლობის შესაბამისად, სადაც ეს მოხდა...“

- კონტრაქტში ჩადებული ამ პუნქტის გათვალისწინებით, კლუბი ალვეშისგან კომპენსაციას ითხოვს.

ჯამში „პუმასი“ ალვეშს გაცილებით მეტის გადახდას მოსთხოვს. წყარო ასევე კონტრაქტში ჩადებულ მე-14 და მე-15 პუნქტების შესახებაც წერს:

„მოთამაშის მხრიდან ძალიან სერიოზული დარღვევისთვის, კონტრაქტის მეთოთხმეტე და მეთხუთმეტე პუნქტებით გათვალისწინებული პირობებით, ფეხბურთელი ვალდებულია კლუბს აუნაზღაუროს ხელშეკრულების მეთხუთმეტე პუნქტით გათვალისწინებული კომპენსაცია. 5 მილიონი დოლარი, ანუ ყოველგვარი გადასახადებისა და დაკავებული თანხების გარეშე“.

მექსიკურმა კლუბმა დანი ალვეშს ფოსტით ფაქსი დაკავების დღესვე გაუგზავნა. ფეხბურთელი თავს დამნაშავედ არ ცნობს. ბრაზილიელს ჯერჯერობით ბრალი დამტკიცებული არ აქვს და ბუნებრივია მილიონების გადახდასაც არ აპირებს. პუმასი კი, რომელმაც ფეხბურთელთან ხელშეკრულება თავადვე გაწყვიტა, კომპენსაციის მიღებას ახლავე ითხოვს.