მბაპე გადაწყვეტილებას ნანობს და ისევ რეალზე ფიქრობს
მბაპე, რომელმაც „რეალში“ თამაშზე ცოტა ხნის წინ უარი ტქვა და პსჟ-სთან ახალი მეგაკონტრაქტი გააფორმა, რამდენიმე თვის შემდეგ, კლუბში დარჩენას ნანობს და კვლავ „სამეფო კლუბში“ წასვლაზე ფიქრობს.
ესპანელი ჟურნალისტი ედუ აგირე ამბობს, რომ მბაპე თავის გადაწყვეტილებას ნანობს და „რეალისთვის“ უარის თქმას ამჟამად მის მიერ დაშვებულ შეცდომად აღიქვამს.
‼️"MBAPPÉ se ???????????????????????????????????????? y está ???????????????????????????????? venir al ???????????????? ????????????????????????"
— El Chiringuito TV (@elchiringuitotv) February 1, 2023
????¡Ojo a lo que cuenta @EduAguirre7 en #ChiringuitoMbappé! pic.twitter.com/g8cqLIVVY5
გარდა ამისა, კილიანმა თავის გარემოცვას განუცხადა, რომ მისი კონტრაქტი პსჟ-სთან 2024 წლამდეა და არა 2025 წლამდე გათვლილი, როგორც ოფიციალურად გამოცხადდა.
მეორეს მხრივ, მადრიდელები მბაპეს ტრანსფერზე მუშაობას აღარ გეგმავენ და გუნდის რეფორმირება სხვა გზით სურთ. ვინისიუსს ახალი პროექტის მთავარ სახედ თვლიან და ზაფხულისთვის ნახევარდაცვის ხაზთან ერთად, ცენტრფორვარდის პოზიციის გაძლიერებაზეც იმუშავებენ.
„რეალი“ მბაპეს თავისი პროექტის მთავარ ფიგურად აღარ აღიქვამს და კლუბში არაერთხელ აღნიშნეს, რომ ამ თემაზე საუბრით უკვე დაიღალნენ.
შეგახსენებთ, რომ გასულ ზაფხულს მბაპეს „რეალში" გადასვლა თავისუფალი აგენტის სტატუსით შეეძლო, მაგრამ მან ბოლო მომენტში გარიგებაზე უარი თქვა და კონტრაქტი პსჟ-სთან კონტრაქტი გაახანგრძლივა.
მიმდინარე სეზონში პსჟ-ს მაისურით 25 მატჩში 24 წლის თავდამსხმელმა 25 გოლი გაიტანა და 6 საგოლე გადაცემა შეასრულა.
