ზამთრის საუკეთესო ტრანსფერები | Eurosport-მა მიქაუტაძის მეცში გადასვლა გამოარჩია
Eurosport-ის ფრანგულმა გამოცემამ საინტერესო სტატია გამოაქვეყნა და ლიგა 1-ის კლუბების მიერ, ზამთრის სატრანსფერო ფანჯრისას დახურული საუკეთესო გარიგებები დაასახელა. Eurosport-მა ხუთი ტრანსფერი გამოარჩია და ერთ-ერთი მათგანი გიორგი მიქაუტაძე გახლავთ, რომელიც იჯარის წესით „აიაქსიდან“ „მეცში“ გადავიდა.
„ყველაფერი ძალიან მარტივადაა. მიქაუტაძე განსახიერებაა კლუბის, რომელიც მის გადასვლამდე ციცაბო ფერდობზე იმყოფებოდა, მისი გადაყვანის შემდეგ კი, სიფერადე დაუბრუნდა. 8 გოლისა და 2 შედეგიანი გადაცემის მქონე ქართველი ფეხბურთელი სასწაულებს აკეთებს გუნდში, რომელსაც შეტევაში იდეები აკლია.
„გიორგი კილიან მბაპე არაა, მაგრამ მეცის მბაპეა“, - განაცხადა მისმა თავკაცმა, ლასლო ბოლონიმ ლე ავრთან მოგებული მატჩის შემდეგ. სტატისტიკა იდეალურად აღწერს თუ რამდენად მნიშვნელოვანი ფეხბურთელია მიქაუტაძე მეცისთვის. მიმდინარე სეზონში მის ანგარიშზე 10 გოლი და 3 შედეგიანი გადაცემაა და მონაწილეობა მეცის გოლების 42 პროცენტში აქვს მიღებული. თანაც, გასათვალისწინებელია ის, რომ 30 მატჩიდან მხოლოდ 16-ში თამაშები“, - წერს Eurosport-ი.
ცნობისთვის, გიორგის გარდა, სტატიის ავტორმა ნემანია მატიჩი (რენიდან ლიონში), იან გბოო (სერკლიდან ტულუზაში), მოდიბო სანიანი (უტრეხტიდან მონპელიეში) და მოჰამედ ბამბა (ვოლფსბერგერიდან ლორიანში) გამოარჩია.