გიორგი გაბედავა კარიერას ისრაელში გააგრძელებს

თბილისის „დინამოს“ ყოფილი ფორვარდი გიორგი გაბედავა კარიერას ისრაელის რანგით მეორე ლიგაში, „ჰაპოელ აკრეში“ გააგრელებს. 33 წლის ფეხბურთელმა კლუბთან კონტრაქტი სეზონის ბოლომდე გააფორმა.

View this post on Instagram

A post shared by Football Business Consulting (@football.bc)

გაბედავას უკრაინის უმაღლესი ლიგის „ილიჩევეცსა“ (2010) და პოლონეთის ექსტრაკლასას სასნოვეცის „ზაგლემბეში“ (2019) უთამაშია. „ჰაპოელ აკრე“ მისი მესამე უცხოური კლუბია.

საქართველოს ახალგაზრდული ნაკრების ყოფილმა ფეხბურთელმა კარიერის დიდი ნაწილი საქართველოში გაატარა. მას შემდეგ ქართულ გუნდებში უთამაშია: ზუგდიდის „მგლები“ (2005-07), რუსთავის „მეტალურგი“ (2008), „გაგრა“ (2008-13), ზუგდიდის „ბაია“ (2012-13), „ჩიხურა“ (2013-14, 2016-19), „სამტრედია“ (2014-15), ბათუმის „დინამო“ (2015-16), „საბურთალო“ (2019-20), თბილისის „დინამო“ (2020-22).

თბილისის „დინამოსთან“ ერთად საქართველოს ჩემპიონი ორჯერ გახდა (2020, 2022). საქართველოს ყველაზე ტიტულოვანი კლუბი გასული წლის მიწურულს დატოვა.