შეთანხმება შედგა - იან ზომერი ბაიერნში ითამაშებს
შვეიცარიის ნაკრებისა და „გლადბახის“ მეკარე იან ზომერი კარიერას მიუნხენის „ბაიერნში“ გააგრძელებს. ინფორმაციას Blick-ი ავრცელებს.
წყაროს ცნობით, კლუბებმა 34 წლის შვეიცარიელი მეკარის ტრანსფერზე სრულ შეთანხმებას მიაღწიეს. „რეკორდმიასტერს“ ზომერი ტრავმირებული მანუელ ნოიერის შესაცვლელად სურს, რომელმაც შვებულებაში ყოფნისას თხილამურებზე სრიალისას ფეხი მოიტეხა და სეზონი ნაადრევად დაასრულა.
❗️❗️❗️News BREAK #Sommer: TOTAL AGREEMENT between Bayern & Gladbach as per @Blick_Sport and confirmed ✅ Sommer is on his way to Munich. Medical tonight. Transfer fee 8+1,5 (!!!) @westsven @Sky_Torben @Sky_Marc @SkySportDE ???????? pic.twitter.com/KY8zJh5m9H
— Florian Plettenberg (@Plettigoal) January 18, 2023
ზომერი „ბაიერნთან“ კონტრაქტს მინიმუმ 2025 წლის ზაფხულამდე გააფორმებს. „გლადბახი“ კი 8 მილიონ ევროს და ბონუსებს მიიღებს.
Sky Sport-ის ჟურნალისტი ფლორიან პლატენბერგი განმარტავს, რომ საუბარია 1,5 მილიონი ევროს ბონუსზე.
შეგახსენებთ, რომ „ბაიერნს“ ჩემპიონთა ლიგაზე რთული მეტოქე შეხვდა - პსჟ, რომელთანაც ნოიერთან ერთად სადიო მანეს დანაკლისიც ექნება. მიუნხენელებმა მეკარის პრობლემა უკვე მოაგვარეს.
