შერმადინის ბრწყინვალე თამაში - სარაგოსას 21 ქულა ჩაუგდო
ესპანეთის საკალათბურთო ჩემპიონატში „ბასკეტ სარაგოსა“ შინ „ტენერიფესთან“ 80:87 დამარცხდა. შეხვედრა ფრედ 73:73 დასრულდა, რის შემდეგაც ოვერტაიმი დაინიშნა და საბოლოოდ სტუმრებმა 7-ქულიანი უპირატესობით გაიმარჯვეს.
„ტენერიფეს“ ქართველი კალათბურთელი გიორგი შერმადინი მატჩის MVP გახდა. მან პარკეტზე 27 წუთი და 45 წამი გაატარა. მის ანგარიშზე 21 ქულა, 4 მოხსნა და 4 პასია. ორივე გუნდის მოთამაშეთაგან მასზე მეტი ქულა მხოლოდ მასპინძელთა ისლანდიელმა კალათბურთელმა ტრუგვი ჰლინასონმა ჩააგდო. მის აქტივში 24 ქულაა.
Marcelinho Huertas ✨ Giorgi Shermadini@gioshermadini ✨ @Huertas09
— Liga Endesa (@ACBCOM) January 14, 2023
¡Qué combinación más mágica!
???? @MovistarPlus #LigaEndesa#ListosParaRomperla pic.twitter.com/pRhdtjJ0py
16 ტურის შემდეგ „ტენერიფეს“ ანგარიშზე 12 გამარჯვებაა. მადრიდის „რეალი“, „ბარსელონა“, „ტენერიფე“ და „ბასკონია“ 24 ქულით სატურნირო ცხრილს ლიდერობენ.
მე-17 ტურში „ტენერიფ“ „ბეტისს“ უმასპინძლებს, შეხვედრა 21 იანვარს გაიმართება.
