ნაპოლი, ხვიჩა კვარაცხელია, ლეონ კინგი
Aa
Aa

„ის იმას ხედავდა, რაც სხვებს არ შეეეძლოთ“ - ლეონ კინგი ხვიჩაზე

„რეინჯერსის“ 18 წლის მცველმა ლეონ კინგმა Theathletic-თან ინტერვიუში ხვიჩა კვარაცხელიას შესახებ ისაუბრა. მისი თქმით, „ნაპოლის“ ქართველი შემტევის განეიტრალება შეუძლებელი იყო.

„ქართველი გარემარბი „ნაპოლისთვის“ რაღაც სხვა იყო. მანამდე მის შესახებ არ ვიცოდი. როცა მას შევხვდი, ვფიქრობდი, რომ ჩვეულებრივი გონიერი და მოხერხებული გარემარბი იყო, თუმცა მის წინააღმდეგ ვითამაშე და როცა ბურთს იღებდა, მისთვის ბურთის ართმევა შეუძლებელი იყო. ის ისეთ მინუსებს ხედავდა, რისი დანახვაც სხვებს არ შეეძლოთ“.

შეგახსენებთ, ჩემპიონთა ლიგის 2022-23 წლების სეზონის ჯგუფური ეტაპის მეორე ტურში „რეინჯერსი“ - „ნაპოლის“ შეხვედრა იტალიური კლუბის გამარჯვებით 0:3 დასრულდა. ხვიჩამ სასტარტოში ითამაშა, გოლი არ გაუტანია, არც საგოლე პასი შეუსრულებია, თუმცა ძალიან სახიფათო იყო, მაღალ დონეზე ითამაშა, ლუჩანო სპალეტიმ 90-ე წუთზე შეცვალა. საპასუხო შეხვედრა „ნაპოლიმ“ იდენტური ანგარიშით მოიგო, თუმცა ამ შეხვედრაში ხვიჩას არ უთამაშია, დაასვენეს.

ევრო 2024-ის შესარჩევ ციკლში საქართველოს ნაკრების ერთ-ერთი მეტოქე შოტლანდიაა. შესაძლოა, ხვიჩა კვარაცხელიასა და ლეონ კინგის დაპირისპირება სანაკრებო დონეზეც შედგეს, თუმცა ლეონი 18 წლისაა და ჯერ ეროვნულ ნაკრებში არ უთამაშია.

მსგავსი სიახლეები

ცხელი ამბები
ასევე დაგაინტერესებთ
ქართველი ფეხბურთელის შედევრი იტალიის თასზე
ქართველი ფეხბურთელის შედევრი იტალიის თასზე