ფელიქსი ლონდონშია - პორტუგალიელი ჩელსის შეუერთდება
მადრიდის „ატლეტიკოს“ ფეხბურთელი, ჟოაუ ფელიქსი მიმდინარე სეზონის ბოლომდე „ჩელსის“ რიგებში ითამაშებს. Marca-ს ინფორმაციით, პორტუგალიელი შემტევი უკვე ლონდონში იმყოფება და კლუბთან ოფიციალურ დოკუმენტებს ხელს მალე მოაწერს.
ფაბრიციო რომანოს მიხედვით, „არისტოკრატებს“ იჯარა 11 მილიონი ევრო დაუჯდებათ და მის ხელფასს დაფარავენ. მადრიდის დატოვებამდე, ფელიქსმა „ატლეტიკოსთან“ ხელშეკრულება გაახანგრძლივა და კლუბს საკუთარი მომავალი 2027 წლამდე დაუკავშირა.
João Félix to Chelsea, here we go! Full verbal agreement reached, loan move on €11m fee with 100% salary covered by Chelsea. ???????? #CFC
— Fabrizio Romano (@FabrizioRomano) January 10, 2023
Before leaving, JF will extend contract with Atléti until 2027.
João will fly to London in the next hours to undergo medical tests and sign. pic.twitter.com/F5aYKMgspa
საინტერესოა, რომ იჯარის დასრულების შემდეგ, „ლურჯებს“ მისი კონტრაქტის გამოსყიდვის უფლება არ აქვთ. ბრიტანული პრესის ინფორმაციით, თუ ფელიქსმა „სტემფორდ ბრიჯზე“ თავი გამოიჩინა, „ჩელსი“ მაქსიმუმს გააკეთებს, რომ იგი გუნდში დაიტოვოს.
შეგახსენებთ, რომ ჟოაუ ფელიქსი მადრიდულ კლუბში 2019 წელს გადავიდა და დღემდე კლუბის მაისურით 131 შეხვედრა ჩაატარა, რომლებშიც 34 გოლი გაიტანა და 18 საგოლე გადაცემა შეასრულა.
