ესპანეთში გამოარჩიეს - გიორგი შერმადინი ლიგა ენდესას ტურის საუკეთესო კალათბურთელია
„ლენოვო ტენერიფეს“ ქართველი კალათბურთელი, გიორგი შერმადინი ლიგა ენდესას მე-15 ტურის საუკეთესო მოთამაშე გახდა. „შერმინატორმა“ „უნიკახას“ წინააღმდეგ გაიბრწყინა და მატჩი 25 ქულით, 7 მოხსნით, 1 დაფარებითა და 2 შედეგიანი გადაცემით დაასრულა.
????????????????
— Liga Endesa (@ACBCOM) January 8, 2023
¡Un ???????????????????????????????????????????? anda suelto!
¡Gio Shermadini se convierte en el Jugador de la Jornada 1⃣5⃣! ¡Qué manera de adueñarse de la zona! ????
2⃣5⃣ puntos
7⃣ rebotes
3⃣6⃣ valoración#LigaEndesa | @gioshermadini #PartidosSolidariosMovistar pic.twitter.com/zAcHdaRy2x
„სარგებლიანობის კოეფიციენტების გრაფაში დაფიქსირებული 36-ით, მცხეთელმა მოთამაშემ თავისი ხარისხი აჩვენა და სანტიაგო მარტინის სტადიონის პარკეტზე გატარებული თითქმის 30 წუთის განმავლობაში, გუნდის ლიდერი იყო“, - წერს ესპანეთის ჩემპიონატის ოფიციალური ვებგვერდი.
შერმადინი ლიგა ენდესას ტურის საუკეთესო კალათბურთელი კარიერაში მეჩვიდმეტედ გახდა. გიორგი ფელიპე რეიესსა და ბერნარდ ჰოპკინსს გაუთანაბრდა და შანსი აქვს, ლეგენდარულ არვიდას საბონისსა და ლუ როს დაეწიოს. მათ ერთნაირი შედეგი აქვთ და ზემოთ ხსენებული ჯილდო 19-19-ჯერ დაისაკუთრეს.
„უნიკახას“ დამარცხების შემდეგ, „ლენოვო ტენერიფეს“ 11 მოგება და 4 წაგება აქვს. შერმადინის გუნდი სატურნირო ცხრილის მე-4 ადგილს იკავებს და მომდევნო შეხვედრას 14 იანვარს, „ბასკეტ სარაგოსას“ წინააღმდეგ გამართავს, რომლის ანგარიშზეც 4 მოგება და 11 მარცხია.
