კონგრესმა დაამტკიცა - აშშ-ში ქალ და მამაკაც სპორტსმენებს თანაბარი ანაზღაურება ექნებათ
Aa
Aa

კონგრესმა დაამტკიცა - აშშ-ში ქალ და მამაკაც სპორტსმენებს თანაბარი ანაზღაურება ექნებათ

აშშ-ის კონგრესმა მამაკაცი და ქალი სპორტსმენებისთვის თანაბარი ანაზღაურება დაამტკიცა.

აშშ-ის წარმომადგენელთა პალატამ მიიღო კანონპროექტი, რომელიც ითვალისწინებს თანაბარ კომპენსაციას საერთაშორისო ტურნირებში მონაწილე ამერიკელი ქალი სპორტსმენებისთვის.

ეს კანონპროექტი მიღებულ იქნა აშშ-ს ქალთა საფეხბურთო გუნდის ხანგრძლივი ბრძოლის შედეგად, რათა მიიღონ იგივე ხელფასი, რაც მამაკაცთა გუნდს აქვს.

თანაბარი ანაზღაურების აქტი ითვალისწინებს, რომ ყველა სპორტსმენი, რომელიც წარმოადგენს ამერიკის შეერთებულ შტატებს საერთაშორისო შეჯიბრებებში, მიიღებს თანაბარ ანაზღაურებას და სარგებელს, განურჩევლად სქესისა. ის მოიცავს 50-ზე მეტ სპორტის სახეობას.

კანონპროექტს მხარი აშშ-ის სენატმაც ერთხმად დაუჭირა. ახლა მასზე მხოლოდ პრეზიდენტის ჯო ბაიდენის ხელმოწერა დარჩა და კანონი ძალაში შევა.

„მინდა მადლობა გადავუხადო მეგან რაპინოს და ალექს მორგანს, გმირებს, რომლებმაც სარჩელი შეიტანეს აშშ-ის ფეხბურთის ფედერაციის წინააღმდეგ. ქალთა ფეხბურთი მსოფლიო ჩემპიონატის მოგების შემდეგ ამ მოძრაობას ხელმძღვანელობდა და ყველასთვის ცხადყო, რომ ქალი სპორტსმენები თანაბარ ანაზღაურებას იმსახურებენ“,

- ამბობს სენატორი მარია კანტველი, კანონპროექტის თანასპონსორი.

მსგავსი სიახლეები

ასევე დაგაინტერესებთ
„შენ კარგი ხარ, მაგრამ არა ისეთი კარგი, როგორც მესი" - ის ყოველთვის ამას აწყდება“
„შენ კარგი ხარ, მაგრამ არა ისეთი კარგი, როგორც მესი" - ის ყოველთვის ამას აწყდება“