ალ ნასრი დანებებას არ აპირებს - რონალდუ გადაწყვეტილებას მალე მიიღებს
როგორც მოგეხსენებათ, კრიშტიანუ რონალდუ ახლა თავისუფალი აგენტია და ახალი კლუბის ძიებაშია. მუნდიალის მიმდინარეობისას გავრცელდა ინფორმაცია, რომ ვეტერანი პორტუგალიელი კარიერას საუდის არაბეთში გააგრძელებდა.
რონალდუს გადასაბირებლად „ალ ნასრი“ იბრძოდა და მას ზღაპრულ პირობებს სთავაზობდა. საუბარი 2.5-წლიან კონტრაქტზე იყო. არაბები კრიშტიანუს წელიწადში 200 მილიონ ევროს დაჰპირდნენ.
ამ ინფორმაციის გავრცელების შემდეგ, რონალდუმ ყველაფერი უარყო და ევროპაში დარჩენა გადაწყვიტა. ამ საკითხთან დაკავშირებით, ფაბრიციო რომანო ახალ ინფორმაციას ავრცელებს.
რომანოს თქმით, „ალ ნასრი“ რონალდუს შეძენას ისევ ცდილობს და თავიანთი პირობები კრიშტიანუს კვლავ გააცნეს. არაბული კლუბი დანებებას არ აპირებს. თავად პორტუგალიელი შემტევი კი გადაწყვეტილებას უახლოეს დღეებში მას შემდეგ მიიღებს, რაც ევროპულ შემოთავაზებებს მოისმენს.
შეგახსენებთ, რომ ამ მომენტისთვის კრიშტიანუ რონალდუ მადრიდის „რეალის“ საწვრთნელ ბაზაზე ვარჯიშობს, რათა ფიზიკური ფორმა შეინარჩუნოს და ახალ კლუბში ადაპტაცია არ გაუჭირდეს.
Al Nassr have confirmed to Cristiano Ronaldo’s camp their intention to push and insist in the next days. The bid until June 2025 is still valid on the table, no plan to give up. ???????? #transfers
— Fabrizio Romano (@FabrizioRomano) December 21, 2022
Cristiano will decide his future in the next days, after waiting for European clubs. pic.twitter.com/smlsJcqObk
