მამუკელაშვილის ძალიან მაგარი მატჩი - ორმაგი დუბლი, 4 ჩაჭრა და 7 მოხსნა მეტოქის ფარზე
„მილუოკი ბაქსის“ ქართველმა კალათბურთელმა, სანდრო მამუკელაშვილმა NBA-ის განვითარების ლიგაში ბრწყინვალე შეხვედრა ჩაატარა. „მამუმ“ „უისკონსინ ჰერდის“ რიგებში იასპარეზა, „ბირმინგემ სქუადრონს“ დაუპირისპირდა და საკუთარი გუნდის წარმატებაში უდიდესი წვლილი შეიტანა.
„ჰერდმა“ 99:85 მოიგო, მამუკელაშვილმა კი ორმაგი დუბლი გაიფორმა და მატჩი 21 ქულით, 12 მოხსნით, 5 შედეგიანი გადაცემითა და 4 ჩაჭრით დაასრულა. სანდრომ პარკეტზე 31 წუთი გაატარა და 1 პერსონალური ფოლი მიიღო, თუმცა 5 დაკარგვა ჰქონდა. აღსანიშნავია, რომ „უისკონსინ ჰერდმა" მამუკელაშვილი მატჩის საუკეთესო მოთამაშედ დაასახელა.
„მამუმ“ მეტოქის კალათს შესანიშნავი პროცენტით შეუტია და 16-დან 10 ბურთი ჩააგდო. ქართველმა კალათბურთელმა 12 მოხსნიდან 7 მეტოქის ფარზე მიითვალა და +/- გრაფაში 12 დააფიქსირა, რაც „უისკონსინის“ რიგებში ერთ-ერთი საუკეთესო მაჩვენებელი იყო. NBA-ის განვითარების ლიგის „ტვიტერის“ გვერდს მამუკელაშვილის კარგი თამაში უყურადღებოდ არ დაუტოვებია და მის ასპარეზობას პოსტით გამოეხმაურა.
Sandro Mamukelashvili posted a huge all-around stat line to lead the @WisconsinHerd over the Squadron! Four of the five Herd starters dropped 14+ points in the win. #ATTWinterShowcase
— NBA G League (@nbagleague) December 20, 2022
???? Green: 25 PTS, 4 REB, 11/17 FG
???? Wigginton: 14 PTS, 9 AST, 3 STL pic.twitter.com/59QqWVktPG
შეგახსენებთ, რომ „უისკონსინ ჰერდს“ 7 მოგება და 10 წაგება აქვს. მამუკელაშვილის გუნდს მომდევნო შეხვედრა 22 დეკემბერს ელის და „ოსტინ ტოროს სპურსს“ დაუპირისპირდება.
