თითქმის ყველაფერი შეთანხმებულია - კუნია პრემიერ ლიგაში მიდის
მიმდინარე მსოფლიო ჩემპიონატზე მათეუს კუნიამ თავი შესანიშნავად წარმოაჩინა და ის „ალბისელესტეს“ ერთ-ერთი საკვანძო ფეხბურთელი იყო.
როგორც მოგეხსენებათ, 23 წლის შემტევი ამჟამად მადრიდის „ატლეტიკოს“ ღირსებას იცავს. მისით კი პრემიერ ლიგიდან დაინტერესდნენ და დიდი ალბათობით კუნია კარიერას სწორედ ინგლისში გააგრძელებს.
გამოცემა Relovo-ს ჟურნალისტი მეთიუ მორეტო ამ საკითხთან დაკავშირებით, „ტვიტერის“ საკუთარ გვერდზე ახალ ინფორმაციას ავრცელებს.
ვიგებთ, რომ „ვულვერჰემპტონსა“ და „ატლეტიკოს“ შორის კუნიას თაობაზე მოლაპარაკება მიმდინარეობს. მხარეები თითქმის ყველაფერზე შეთანხმდნენ. ხვალინდელი დღე გადამწყვეტი იქნება. ხვალ გაირკვევა კუნია ოფიციალურად გაიყიდება, თუ იჯარის წესით გადავა „მგლებში“. სატრანსფერო ღირებულებად 45-50 მილიონი ევრო სახელდება.
Matheus Cunha, a un paso de los Wolves. Los clubes están cerrando los últimos flecos. Mañana, día clave. Debería ser o traspaso definitivo o cesión con obligación de compra, que rondaría los 45-50 millones. En breve en @relevo. https://t.co/lHC1pTxnQc
— Matteo Moretto (@MatteMoretto) December 20, 2022
შეგახსენებთ, რომ კუნია „როხიბლანკოს“ 2021 წელს შეუერთდა. 2021 წლიდან დღემდე, მან მადრიდული კლუბის მაისური ყველა ტურნირზე ერთად 54-ჯერ მოირგო, 7 გოლი გაიტანა და 8 საგოლე გადაცემა შეასრულა.