„პირველ ადგილს დავკარგავთ“ - ნეაპოლში Drake-ის წყევლის ეშინიათ
Aa Aa
5 დეკემბერი 2022  |  12:38

„პირველ ადგილს დავკარგავთ“ - ნეაპოლში Drake-ის წყევლის ეშინიათ

„ნაპოლის ქომაგები თავიანთი ცრუმორწმუნეობით საფეხბურთო სამყაროში ძალიან ცნობილი არიან და პოპულარული მომღერლის, Drake-ის „პარტენოპეის“ მოსაცმელში დანახვამ მათ შიში გაუჩინა“, - ამ სიტყვებით იწყებს თავის სტატიას Football Italia და ხვიჩა კვარაცხელიას გუნდის გულშემატკივრებსა და „დრეიკის წყევლაზე“ გვესაუბრება.

საქმე ისაა, რომ რამდენიმე საათის წინ, Drake-მა „ინსტაგრამის“ საკუთარ გვერდზე ფოტო გამოაქვეყნა, რომელზეც „ნაპოლის“ კლასიკური მოსაცმელითაა გამოსახული. აღნიშნულ ფოტოს დიდი გამოხმაურება მოჰყვა და როგორც ჩანს, „პარტენოპეის“ ქომაგებს Drake-ის წყევლის სჯერათ.

„ჯანდაბა, ინტერთან 100 პროცენტით დავმარცხდებით“, - განაცხადა ერთ-ერთმა გულშემატკივარმა.

„ნაპოლი პირველ ადგილს დაკარგავს, დაიმახსოვრეთ ჩემი სიტყვები“, - აღნიშნა მეორემ.

„დრეიკის წყევლა ჩაერთვება“, - დასძინა მესამემ.

„და, აი, ქალბატონებო და ბატონებო, თუ რატომ ვერ იგებს ნაპოლი სკუდეტოს“, - დაწერა მესამემ.

საინტერესოა ისიც, რომ Football Italia ნეაპოლელებს იტალიაში ყველაზე ცრუმორწმუნე ხალხს უწოდებს და აცხადებს, რომ წარუმატებლობის შემთხვევაში, „პარტენოპეის“ ქომაგებს ექნებათ „მიზეზი“, რისთვისაც ყველაფრის დაბრალება შეეძლებათ.   

მსგავსი სიახლეები

ეს გვერდი უკეთ ჩანს მობილურ აპლიკაციაში
ასევე დაგაინტერესებთ
ანდრონიკაშვილის შედეგიანი დებიუტი - მურსია ბასკონიასთან დამარცხდა
ანდრონიკაშვილის შედეგიანი დებიუტი - მურსია ბასკონიასთან დამარცხდა