ბარსელონა, პსჟ, ხორდი კრუიფი
Aa
Aa

“მასთან ვარჯიში ვის არ ენდომება?“ - ჩავის და კრუიფს მესის დაბრუნება სურთ

მიმდინარე სეზონის დასრულების შემდეგ, ლეო მესის „პარი სენ ჟერმენთან“ კონტრაქტი ეწურება. კატალონიის „ბარსელონას“, რომ მისი დაბრუნება სურს ეს ახალი არავისთვის არის, თუმცა ჯერჯერობით ეს საკმაოდ შორეულ პერსპექტივას წარმოადგენს.

ამასთან დაკავშირებით, „ბლაუგრანას“ სპორტულმა დირექტორმა ხორდი კრუიფმა კომენტარი გააკეთა. მისი სიტყვები კი გავლენიანმა სატრანსფერო ექსპერტმა და ცნობილმა სპორტულმა ჟურნალისტმა ფაბრიციო რომანომ „ტვიტერის“ საკუთარი გვერდის მეშვეობით გააჟღერა.

რა თქვა კრუიფმა?

„ერთ დღეს, ბარსა და მესის ისევ ერთად უნდა იყვნენ. ეს საკმაოდ ნათელია. შესაძლოა ეს მისი პროფესიონალური კარიერის დასრულების შემდეგ უნდა მოხდეს, მაგრამ ვიმეორებ, „ბარსელონა“ და ლეო ერთად უნდა იდგნენ და წარმატებას ერთად აღნიშნავდნენ.“

ლიონელ მესის დაბრუნების შესახებ, კატალონიური გრანდის ამჟამინდელმა მთავარმა მწვრთნელმა ჩავი ერნანდესმაც ისაუბრა.

რა თქვა ჩავიმ?

„ლეო ჯერ კიდევ მსოფლიოში საუკეთესო ფეხბურთელია. რონალდუ კი ხუთეულში შედის. თუ მესის „ბარსელონაში“ დაბრუნება მოუნდება, აუცილებლად მივიღებთ. ვის არ ენდომება მასთან ერთად ვარჯიში?“

შეგახსენებთ, რომ ვეტერანმა არგენტინა „ბარსელონა“ 2021 წელს დატოვა და კარიერას „პარი სენ ჟერმენში“ აგრძელებს. მესიმ პარიზული კლუბის მაისური ყველა ტურნირზე ერთად 53-ჯერ მოირგო, 23 გოლი გაიტანა და 29 საგოლე გადაცემა შეასრულა.

მსგავსი სიახლეები

ცხელი ამბები
ასევე დაგაინტერესებთ
კრიშტიანუ საუდის არაბეთში გადასვლასთან ახლოსაა - წელიწადში 200 მილიონს მიიღებს
კრიშტიანუ საუდის არაბეთში გადასვლასთან ახლოსაა - წელიწადში 200 მილიონს მიიღებს