კრამარიჩის დუბლი - ხორვატიამ კანადა გაანადგურა
კატარი 2020-ის F ჯგუფში ხორვატიამ კანადა 4:1 დაამარცხა. ანგარიში კანადის ნაკრებმა 68-ე წამზე გახსნა, ალფონსო დევისმა თავით გაიტანა. კანადის ნაკრებისთვის მუნდიალზე სადებიუტო გოლი იყო.
ასევე, მსოფლიოს ჩემპიონატების ისტორიაში უსწრაფესი გოლების სტატისტიკაში დევისის გოლი მეორე ადგილზეა, რეკორდი კლინტ დემპსის ეკუთვნის, რომელმაც 2014 წლის მუნდიალზე განას 29-ე წამზე შეუგდო.
68 - Alphonso Davies' goal after 68 seconds is the fastest goal in a group stage match at the World Cup since Clint Dempsey scored after 29 seconds against Ghana in 2014. Concacaf'd. pic.twitter.com/pLJMAoGZ0X
— OptaJack⚽️ (@OptaJack) November 27, 2022
36-ე წუთზე ივან პერიშიჩის საგოლე პასის შემდეგ ანდრეი კრამარიჩმა ანგარიში გაათანაბრა. 44-ე წუთზე მარკო ლივაიამ დაბალ კუთხეში შეაგდო და ხორვატია წინ გაიყვანა. 70-ე წუთზე ანდრეი კრამარიჩმა დუბლი შეასრულა. მე-4 დამატებულ წუთზე ლოვრო მაიერმა მატჩის საბოლოო ანგარიში დააფიქსირა, ხორვატიამ სამბურთიანი უპირატესობით გაიმარჯვა - 4:1.
კანადის ნაკრების ფეხბურთელმა ატიბა ჰატჩინსონმა ეროვნულ გუნდში მეასე მატჩი ჩაატარა. ატიბა პირველი მოთამაშეა, რომელმაც კანადის ეროვნულ გუნდში აღნიშნული რაოდენობის შეხვედრებში მიიღო მონაწილეობა.
100 - Atiba Hutchinson is set to make his 100th appearance for Canada today, becoming the first player to reach this milestone for the men's team. Centurion. pic.twitter.com/e2bE6ARTxx
— OptaJack⚽️ (@OptaJack) November 27, 2022
ორი ტურის შემდეგ F ჯგუფში ხორვატია და მაროკო 4-4 ქულით პირველ ადგილზე არიან, ბელგია 3 ქულით მესამე ადგილზეა. კანადა 0 ქულით აუტსაიდერია, 1 გოლი შეაგდო და 5 გაუშვა. კანადამ მერვედფინალში გასვლის თეორიული შანსი დაკარგა.
მესამე ტურში ხორვატია ბელგიას შეხვდება, კანადა მაროკოს დაუპირისპირდება, ორივე შეხვედრა პირველ დეკემბერს გაიმართება.
