ევრობასკეტი: დრამატული ბრძოლა - საფრანგეთმა იტალიას ოვერტაიმში მოუგო
Aa
Aa

ევრობასკეტი: დრამატული ბრძოლა - საფრანგეთმა იტალიას ოვერტაიმში მოუგო

ევრობასკეტის მეოთხედფინალურ შეხვედრაში საფრანგეთი იტალიას დაუპირისპირდა და 93:85 დაამარცხა.

შეხვედრა საკმაოდ დაძაბული და საინტერესო გამოდგა. პირველი ტაიმი ფრანგებმა 7 ქულით მოიგეს, თუმცა დიდი შესვენების შემდეგ, იტალიელებმა მესამე მეოთხედი 31:18 მოიგეს, რამაც შეხვედრის სცენარი რადიკალურად შეცვალა.

ფრანგებმა დასკვნითი მეოთხედის მოგება შეძლეს (21:15) და შეხვედრა ოვერტაიმში გადაიყვანეს, თუმცა იქამდე მოვლენები ძალიან დრამატულად განვითარდა. სიმონე ფონტეკიოს 5 წამით ადრე 2 საჯარიმო სროლა ჰქონდა და ორივეს გამოყენების შემთხვევაში იტალია 79:75 დაწინაურდებოდა, რის შემდეგაც ფრანგებს მათი დაწევა ფიზიკურად აღარ შეეძლებოდათ, თუმცა ფონტეკიომ ორივე სროლა გააცუდა, რასაც გამათანაბრებელი ორქულიანი მოჰყვა (77:77) და დამატებითი ხუთწუთეული სწორედ ასე მივიღეთ.

ოვერტაიმში ფრანგებს ფსიქოლოგიური უპირატესობა ჰქონდათ, რაც ხელიდან არც გაუშვიათ. 16:8 მოიგეს და ნახევარფინალშიც გავიდნენ.

იტალიელთა შორის პარკეტზე საუკეთესო ფონტეკიო და სპიასუ იყვნენ -  21-21 ქულით.

ფრანგებიდან ორმაგი დუბლი გაიფორმა რუდი გობერმა - 19 ქულა, 13 მოხსნა.

შეგახსენებთ, რომ საფრანგეთი ნახევარფინალში სლოვენია-პოლონეთს შორის გამარჯვებულს დაუპირისპირდება. მეორე ნახევარფინალურ წყვილში კი გერმანია-ესპანეთის ჯახს ვიხილავთ.

მსგავსი სიახლეები

ცხელი ამბები
ასევე დაგაინტერესებთ
სანიოლი: ხვიჩა რიბერის ზუსტი ანალოგია, ფრანგებმა არც კი მომისმინეს
სანიოლი: ხვიჩა რიბერის ზუსტი ანალოგია, ფრანგებმა არც კი მომისმინეს