კარიერაში 21-ე დიდი სლემი - ნოვაკ ჯოკოვიჩმა უიმბლდონი მეშვიდედ მოიგო!
2022 წლის უიმბლდონის ფინალში ერთმანეთს სერბი ნოვაკ ჯოკოვიჩი და ავსტრალიელი ნიკ კირიოსი დაუპირისპირდნენ. როგორც ბევრი ელოდა, „ნოლემ“ გამარჯვება შეძლო - 4 სეტში 4:6, 6:3, 6:4, 7:6 (7-3) მოიგო.
NOVAK DJOKOVIC WINS HIS 7TH WIMBLEDON TITLE ????
— Bleacher Report (@BleacherReport) July 10, 2022
HIS 21ST MAJOR TITLE pic.twitter.com/2w5R76rv6Y
პირველი ორი სეტი დაახლოებით ანალოგიური სცენარით წარიმართა. მესამე სეტიდან კი სერბმა შეცდომების დაშვებას უკლო და კირიოსს თავისი თამაში მოახვია.
ავსტრალიელმა დასკვნით სეტში ტაიბრეიკამდე მისვლა შეძლო, რაც მისი მაქსიმუმი გამოდგა. ნოვაკი გადამწყვეტ მომენტში უკეთესი იყო და ეს არც არავის გაჰკვირვებია.
Centre Court rises again for one of its great champions
— Wimbledon (@Wimbledon) July 10, 2022
Congratulations, @DjokerNole ????#Wimbledon | #CentreCourt100 pic.twitter.com/RAm2mm56pS
ჯოკოვიჩმა კარიერაში თავისი 21-ე დიდი სლემის ტურნირი მოიგო და ის მხოლოდ რაფაელ ნადალს ჩამორჩება, რომელსაც 22 აქცს. მესამე ადგილზე 20 სლემით როჯერ ფედერერი იმყოფება.
საინტერესო ფაქტები
ეს იყო ჯოკოვიჩის 86-ე გამარჯვება უიმბლდონზე, ნოლემ ჯიმი კონორსს უკვე გადაასწრო და მხოლოდ როჯერ ფედერერს (105) ჩამორჩება.
ჯოკოვიჩი დიდი სლემის ფინალში კარიერაში 32-ედ გავიდა და ამ მაჩვენებლით მან როჯერ ფედერერს გადაასწრო. ამჟამად სერბი მამაკაცთა შორის რეკორდსმენია.
ნოლემ უიმბლდონი ზედიზედ მეოთხედ მოიგო. მან წინა 7 ფინალიდან მხოლოდ 1 წააგო, 2013 წელს ენდი მარისთან.
ჯოკოვიჩი ისტორიაში პირველი ჩოგბურთელი გახდა, რომელსაც 4 დიდი სლემის ტურნირებიდან 3-ში მინიმუმ 8 ფინალი აქვს ნათამაშები: 9-ჯერ ავსტრალიის ღია პირველობაზე (ყველ მოიგო), 9-ჯერ ამერიკის ღია პირველობაზე (3 მოგება, 6 მარცხი), 8-ჯერ უიმბლდონზე (7 მოგება, 1 მარცხი).
ნოლეს ასევე 6 ფინალი როლან გაროსზე აქვს, რომელთაგან 2 მოიგო და 4 წააგო. სხვა არცერთ ჩოგბურთელს მსგავსი შედეგი არ აქვს. მათ 2 სხვადასხვა დიდ სლემზეც კი არ უთამაშიათ 8 ფინალი.
