კარიერაში მეოთხედ - შერმადინი ესპანეთის ჩემპიონატის სეზონის სიმბოლურ გუნდში
ესპანეთის საკალათბურთო ჩემპიონატის სეზონის სიმბოლურ გუნდში გიორგი შერმადინი მოხვდა, რაც ქართველი კალათბურთელის კარიერაში მეოთხედ მოხდა, პირველად 2016-17 წლების სეზონში, როცა '''მორაბანკ ანდორაში'' თამაშობდა. ასევე, ''ტენერიფეს'' მაისურით სეზონის სიმბოლურ გუნდში ზედიზედ მესამედ შეიყვანეს.
¡MEJOR QUINTETO de la #LigaEndesa 2021-22!
— Liga Endesa (@ACBCOM) May 15, 2022
???? Marcelinho Huertas (@Huertas09)
???? Nico Laprovittola (@nicolapro7)
???? Dzanan Musa (@DzMusa)
???? Chima Moneke (@Chimdogg_)
???? Gio Shermadini (@gioshermadini) pic.twitter.com/KaPgWVfe8X
სიმბოლური გუნდის შედგენისთვის გამოკითხვა მიმდინარეობდა. მწვრთნელებმა და ქომაგებმა შერმადინი ცენტრის პოზიციაზე პირველ ადგილზე გაიყვანეს, მედიის წარმომადგენლებმა და მოთამაშეებმა კი - მეორე პოზიციაზე.
სეზონის სიმბოლური ხუთეული ასეთია: გიორგი შერმადინი (ტენერიფე), მარსელინიო უერტასი (ტენერიფე), ნიკო ლაპროვიტოლა (ბარსელონა), ძანან მუსა (ბრეოგანი) და ჩიმა მონეკე (მანრესა) მოხვდნენ.
შეგახსენებთ, შერმადინი სეზონის საუკეთესო კალათბურთელის პრიზის მოპოვებისთვის იბრძვის. გასულ სეზონში, 2020-21 წლების სეზონში შერმადინი ესპანეთის ჩემპიონატის საუკეთესო მოთამაშედ დასახელდა. ასე რომ, მისი მიზანი ტიტულის შენარჩუნებაა.