თორნიკე შენგელია
Aa
Aa

შენგელიას 8 ქულა - ვირტუს ბოლონია სასარისთან განადგურდა

იტალიის საკალათბურთო ჩემპიონატის, LEGA A-ს მეოცე ტურის გადადებულ შეხვედრაში თორნიკე შენგელიას „ვირტუს ბოლონია“ სტუმრად „სასარის“ დაუპირისპირდა და უშანსოდ დამარცხდა. „ვირტუს ბოლონიამ“ მეტოქისთვის წინააღმდეგობის გაწევა მხოლოდ პირველ მეოთხედში შეძლო, რომელიც 18:17 მოიგო, დარჩენილი ათწუთეულები კი 17:30, 20:39, 18:22 დათმო და საბოლოოდ 73:108 წააგო.

ქართველმა კალათბურთელმა მატჩი ძირითად შემადგენლობაში დაიწყო და პარკეტზე 15 წუთი გაატარა. ამ დროში, შენგელიამ 8 ქულა, 3 მოხსნა (1 მეტოქის) ფარზე და 3 შედეგიანი გადაცემა მიითვალა. თოკომ 6-დან 4 ორქულიანი ჩააგდო, 1 სამიანი გააცუდა და 1 დაკარგვა ჰქონდა.

შეგახსენებთ, რომ „ვირტუს ბოლონიას“ 25 მოგება და 4 წაგება აქვს და სატურნირო ცხრილის ლიდერია. თოკო და კომპანია LEGA A-ს მომდევნო შეხვედრას 8 მაისს გამართავენ და საკუთარ კედლებში „ბრეშას“ დაუპირისპირდებიან.

მსგავსი სიახლეები

ცხელი ამბები
ასევე დაგაინტერესებთ
ლენოვო ტენერიფე ფინალშია - შერმადინის 14 ქულა და 100-პროცენტიანი შედეგი
ლენოვო ტენერიფე ფინალშია - შერმადინის 14 ქულა და 100-პროცენტიანი შედეგი