წყალბურთის ჩემპიონთა ლიგა: დინამო თბილისი ბრეშასთან უშანსოდ დამარცხდა
საქართველოს მოქმედმა ჩემპიონმა თბილისის დინამომ წყალბურთის ჩემპიონთა ლიგაზე ჯგუფური ეტაპის მე-11 ტურის შეხვედრა A ჯგუფის ლიდერთან და უპირობო ფავორიტთან იტალიურ „ბრეშასთან“ გამართა და 16:8 დამარცხდა.
იტალიელებს ამ მატჩამდე 23 ქულა ჰქონდათ, თბილისელებს კი 0.
დინამომ პირველი ორი მეოთხედი მეტოქეს ბრძოლა გაუმართა და ჯამში მხოლოდ 5:7-ს აგებდა, თუმცა ამის შემდეგ, „ბრეშა“ წინ გაიჭრა და ქართველ წყალბურთელებს მათი შეჩერება ძალიან უჭირდათ.
დინამოს მხრიდან 3 გოლით გიორგი მესხი გამოირჩა. მატჩში საუკეთესო კი მეტოქის რიგებში 5 გოლის ავტორი ედოარდო დი სომა გახდა.
მე-12 ტურის შეხვედრას დინამოელები ბარსელონაში ზოდიაკის წინააღმდეგ 9 აპრილს გამართავენ.