''როცა კარიერაზე ფიქრობ, ევროპაში თამაში რუსეთის დიდ ფულს უნდა ამჯობინო''

''მოლ ფეჰერვარიდან'' ''უიპეშტში'' განათხოვრებული ბუდუ ზივზივაძე შესანიშნავ ფორმაშია, უნგრეთის ჩემპიონატის ბოლო ხუთ შეხვედრაში 5 გოლი და 1 საგოლე პასი ჩაიწერა აქტივში. ბოლო ტურში ''ჰონვედს'' ვერ გაუტანა, თუმცა ყოფილი გუნდის, ''მეზოკოვეშდის'' წინააღმდეგ დუბლი შეასრულა.

სანიოლმა გასულ წელს სასტარტოში სამჯერ ათამაშა, მაგრამ იმ მატჩებისგან განსხვავებით უახლოეს სანაკრებო შეხვედრებს გაცილებით უკეთეს ფორმაში ხვდება. შესაბამისად, მის მიმართ მეტი მოლოდინია, რომ ეროვნულ გუნდში გოლების ანგარიში გახსნას.

სეზონის პირველ ნახევარში ''მოლ ფეჰერვარის'' მთავარი მწვრთნელი იმრე საბიჩი არ ათამაშებდა. ფეხბურთელის თქმით, სერბი მწვრთნელი მის მიმართ გულწრფელი არ იყო, რეალურად მას არ ენდობოდა, რაც საბოლოოდ ზივზივაძის ''უიპეშტში'' გადასვლით დასრულდა.

საფეხბურთო თემების გარდა ''უიპეშტის'' თავდამსხმელი რუსეთის მიერ უკრაინაში განხორციელებულ ინტერვენციასა და საფეხბურთო თვალსაზრისით რუსეთსა და ევროპას შორის არჩევანზე საუბრობს. ასევე, აღნიშნავს, რომ ქართველი ფეხბურთელისთვის რუსეთში თამაში პოლიტიკური კონტექსტიდან გამომდინარე მიუღებელი უნდა იყოს.

ფოტოები: gff.ge, ujpestfc.hu