''ომს ვეღარ გავუძელით'' - სიჭინავა სკანდინავიაში ითამაშებს
უკრაინული ''კოლოსის'' 27 წლის ქართველი ფორვარდი ნიკა სიჭინავა იჯარით ფინეთის ვიცე-ჩემპიონ კუპს-ის შემადგენლობაში ითამაშებს. ინფორმაცია კლუბმა ოფიციალურად დაადასტურა, მოთამაშემ კი CrystalSport-თან კომენტარი გააკეთა. მოგეხსენებათ, რუსეთის მიერ უკრაინაში განხორციელებული ინტერვენციისას სიჭინავა ფეხმძიმე მეუღლესთან და შვილთან ერთად უკრაინაში იმყოფებოდა. ფეხბურთელის ოჯახი ომს თავს სარდაფში აფარებდა, 18 მარტს კი უკრაინიდან პოლონეთში გადავიდა.
შეგახსენებთ, რუსეთმა უკრაინაზე სრულმასშტაბიანი თავდასხმა 24 თებერვალს გამთენიისას, ერთდროულად რამდენიმე დიდი ქალაქის, მათ შორის კიევის დაბომბვით დაიწყო. ქალაქების დაბომბვამდე 20 წუთით ადრე რუსეთის პრეზიდენტმა, ვლადიმირ პუტინმა უკრაინას ომი ვიდეომიმართვით ოფიციალურად გამოუცხადა.
⚠️ Welcome to Kuopio Nika Sitchinava!
— Kuopion Palloseura (@KuPS1923) March 22, 2022
???????? 27-vuotias georgialaishyökkääjä vahvistaa keltamustaa puolentoista viikon päästä alkavalla Veikkausliiga-kaudella.
???? Lue lisää:https://t.co/GUYMCOB396#KuPS #Veikkausliiga #Banzai pic.twitter.com/8vaLQ1srYD
''16 მარტს კიევში დავბრუნდი, ტანსაცმელი უნდა წამომეღო, ამ დროს კიევის დაბომბვა დაიწყო, ამ ვითარებას, ომს და დაბომბვის ხმებს ვეღარ ვუძლებდით. პოლონეთში წასვლა გადავწყვიტე. ერთი დღით ლვოვში გავჩერდით, 18 მარტს საზღვარი გადავკვეთეთ და მანქანით ვარშავაში ჩავედით. ვარშავაშიც ერთი დღე დავყავით, შემდეგ კი ჰელსინკის გავლით კუოპიოში ჩავფრინდით.
ახალ კლუბში კარგად შემხვდნენ, ახლა სასტუმროში ვართ, ზეგ საცხოვრებელ ბინაში გადავალთ. თანაგუნდელებმა კარგად მიმიღეს, ხვალ ამხანაგური შეხვედრა გვაქვს. ვნახოთ, როგორ ვითამაშებ.
მთავარი მწვრთნელი სიმო ვალაკარი მესაუბრა. მითხრა, რომ ქინქლაძესთან ერთად უთამაშია, ''ქინქის'' კარგად ვიცნობო, ''დერბი ქაუნთიში'' თანაგუნდელები ვიყავითო. ქინქლაძე ძალიან დადებითად დაახასიათა. ჯერ ქინქლაძე იყო და შემდეგ მესი, ასეთი მაგარი ფეხბურთელი არასდროს მინახავსო''.
