შოთა არველაძე: ,,კვარაცხელია არ წამოვა, თორემ ჰალში ხვალვე წავიყვანდი"

საქართველოს პირველი არხის ეთერში სტუმრად ჰალ სიტის მთავარი მწვრთნელი, შოთა არველაძე იმყოფებოდა. გადაცემაში - ,,ტაიმაუტი", საუბარი შეეხო ჰალ სიტის შემადგენლობის გაძლიერებას. კითხვა გაჩნდა ქართველი ლეგიონერების შესახებაც, დაიმატებდა თუ არა სპეციალისტი სამშობლოდან რომელიმე ფეხბურთელს:

ქულები უნდა ავიღოთ, წელში გავსწორდეთ, რომ ლიგაში დარჩენაზე კითხვები აღარ გაჩნდეს, ტრანსფერებსა და გაძლიერებას ამის შემდეგ მივხედავ.

ვინმეს თუ ავიყვანდი ქართველებიდან? წამოვა კვარაცხელია? ხვალვე წავიყვანდი, მაგრამ არ წამოვა.

ჰალ სიტის 41 ქულა აქვს და 38 ტურის შემდეგ, მე-19 ადგილზე იმყოფება.

ვეფხვების მომდევნო მეტოქე მე-5 პოზიციას იკავებს და პრემიერლიგაში დაწინაურებისთვის იბრძვის. მატჩი დღეს, თბილისის დროით, 19:00 საათიდან დაიწყება.