შენგელიას ლამაზი ჩატენვები და 12 ქულა - ცსკა-მ დაძაბულ ბრძოლაში იმარჯვა
ევროლიგის მე-12 ტურში, თორნიკე შენგელიას ცსკა „ბაიერნს“ დაუპირისპირდა და მეტოქე დაძაბულ ბრძოლაში დაამარცხა. „არმიელებმა“ მატჩი ცუდად დაიწყეს და პირველი ტაიმი 9 ქულით წააგეს. მეორე ნახევარში ცსკა-მ მოუმატა და დასკვნითი პერიოდის წინ, ჩამორჩენა მინიმუმამდე დაიყვანა.
გამარჯვებულის ვინაობა სწორედ ბოლო ათწუთეულში გაირკვა. „ბაიერნი" ფაქტობრივად მთელი მეოთხედის განმავლობაში ლიდერობდა, მაგრამ გადამწყვეტ მონაკვეთში უკეთ ცსკა-მ იასპარეზა და მეტოქეს 77-74 სძლია.
.@cskabasket come back and beat @FCBBasketball in a classic tonight #EveryGameMatters
— Turkish Airlines EuroLeague (@EuroLeague) November 25, 2021
თორნიკე შენგელიამ მატჩი ძირითად შემადგენლობაში დაიწყო და პარკეტზე 31 წუთი და 42 წამი გაატარა. საქართველოს ნაკრების კაპიტანმა აქტივში 12 ქულა, 5 მოხსნა და 4 შედეგიანი გადაცემა ჩაიწერა. თოკომ 6-დან 3 ორქულიანი, 1 სამიანი და 3 საჯარიმო ჩააგდო, მისი სარგებლიანობის კოეფიციენტი კი 17 გახლდათ, რაც კლაიბერნის შემდეგ, ცსკა-ში საუკეთესო მაჩვენებელი იყო.
One-handed JAM from @TokoShengelia23 ???? #7DAYSMagicMoment pic.twitter.com/5yPYwLZ8gC
— Turkish Airlines EuroLeague (@EuroLeague) November 25, 2021
Spin and SLAM ???? @TokoShengelia23 is only getting started! #7DAYSMagicMoment pic.twitter.com/CygPoxod13
— Turkish Airlines EuroLeague (@EuroLeague) November 25, 2021
ამრიგად, „არმიელებს“ 7 მოგება და 5 წაგება აქვთ და ევროლიგის სატურნირო ცხრილში მე-7 პოზიციაზე იმყოფებიან. ცსკა მომდევნო შეხვედრას „პანათინაიკოსის“ წინააღმდეგ გამართავს და მანამდე შენგელიას საქართველოს ნაკრების მაისურით უკრაინასთან და ესპანეთთან ვიხილავთ.