სიტიმ პსჟ-ს ყველა კომპონენტში აჯობა - პეპის გუნდმა ჯგუფი მოიგო
ჩემპიონთა ლიგის მე-5 ტურში A ჯგუფში პირველადგილოსნის ვინაობა გაირკვა. „მანჩესტერ სიტიმ“ საკუთარ კედლებში პსჟ-ს უმასპინძლა და 2:1 დაამარცხა.
პეპ გუარდიოლას გუნდმა მეტოქეს ყველა სათამაშო კომპონენტში აჯობა და დამსახურებულადაც მოიგო.
შეხვედრაში ანგარიში ფრანგებმა გახსნეს. 50-ე წუთზე მბაპემ მესი-ნეიმარის წამოწყებული შეტევა გოლით დააგვირგვინა.
ამის შემდეგ, „სიტის“ უპირატესობა კიდევ უფრო თვალშისაცემი გახდა. გუარდიოლამ 54-ე წუთზე მოედანზე გაბრიელ ჟესუსი შეუშვა, რომელმაც სტერლინგს საგოლე პასი გაუკეთა, მატჩის მიწურულს კი თავად გაიტანა.
დე ბრუინისა და გრილიშის გარეშე მოთამაშე „სიტიმ“ მრისხანე მეტოქე აშკარად დაჩაგრა და ჯგუფში პირველი ადგილი დამსახურებულად მოიპოვა.
„ქალაქელთათვის“ ეს ზედიზედ მე-5 შემთხვევა არის, როცა ისინი ჩემპიონთა ლიგის ჯგუფურ ეტაპს პირველ პოზიციაზე ასრულებენ. მსგავსი რამ ინგლისურ კლუბებს შორის მხოლოდ „მანჩესტერ იუნაიტედს“ აქვს გაკეთებული - 2006-07 და 2010-11 წლებში.
1 - Manchester City’s victory ensures they will finish top of their Champions League group for the fifth consecutive season – just the second English side to do so in the current format of the competition after Manchester United between 2006-07 and 2010-11. Dominant.
— OptaJoe (@OptaJoe) November 24, 2021