Aa Aa
24 სექტემბერი 2021  |  16:08

UEFA ქალთა ევროპის 2022 წლის ჩემპიონატის საპრიზო თანხებს გააორმაგებს

2022 წლის ევროპის ჩემპიონატის საპრიზო თანხა გაორმაგდება და მონაწილე ნაკრებები 16 მილიონი ევროს მიიღებენ - ინფორმაციას ევროპული ფეხბურთის მმართველი ორგანო ავრცელებს. UEFA-ს განცხადებაში ნათქვამია, რომ აღნიშნული თანხა ორჯერ მეტია ( 8 მილიონი ევრო) 2017 წლის ჩემპიონატის საპრიზო თანხაზე, რომელსაც ნიდერლანდებმა უმასპინძლა და დანიის წინააღმდეგ, ამავე ქვეყნის ქალთა ნაკრების გამარჯვებით, ანგარიშით - 4-2 დასრულდა.

ევროპის 2022 წლის ჩემპიონატს ინგლისი უმასპინძლებს. ერთი-ერთი ყველაზე პრესტიჟული სანაკრებო გათამაშება სტარტს მომდევნო წელს, 6 ივლისს აიღებს და 31 ივლისს დასრულდება.

მონაწილეობას სულ 16 ნაკრები მიიღებს, მატჩებს კი 8 სხვადასხვა ლოკაცია უმასპინძლებს.

საქართველოს ქალთა ეროვნული ნაკრები ევრო 2022-ის საკვალიფიკაციო ეტაპში B ჯგუფში დანიის, იტალიის, ბოსნია-ჰერცეგოვინას, ისრაელისა და მალტის ეროვნულ ნაკრებებთან ერთად ასპარეზობდა და 0 ქულით ჯგუფში ბოლო, მე-6 ადგილი დაიკავა, 3 გოლი გაიტანა, ხოლო - 45 გაუშვა.

შემოუერთდი ჩვენს Facebook ჯგუფს - საგოლე გადაცემა

მსგავსი სიახლეები

ეს გვერდი უკეთ ჩანს მობილურ აპლიკაციაში
ასევე დაგაინტერესებთ
articleimage