Aa Aa
22 სექტემბერი 2021  |  11:49

სკანდალი რუსეთში - ახალგაზრდა ხელბურთელები საკუთარი ნაკრების წაგებაზე ფსონს დებდნენ

რუსეთის ხელბურთის ახალგაზრდული ნაკრები მოთამაშეები ნაკრებიდან დროებით მოკვეთეს, მიზეზად კი საკუთარ გუნდზე ფსონის გაკეთება სახელდება.

შექმნილმა ეთიკის კომიტეტმა ახალგაზრდულ ნაკრებში 8 ხელბურთელი აღმოაჩინა,რომლებიც აქტიურად თანამშრომლობდნენ ტოტალიზატორებთან დაახლოებულ პირებს და ფსონს საკუთარი ნაკრების წაგებაზე დებდნენ.

რუსეთის ხელბურთის ფედერაციაში ეჭვი ხორვატიაში გამართულ ახალგაზრდულ ევროპის ჩემპიონატზე აიღეს , სადაც რუსეთის ნაკრებმა 16 გუნდში მე-15 ადგილი დაიკავა.

„ჩვენი აზრით სპორტსმენები უნდა დაისაჯონ. ეს ფაქტი არა მხოლოდ fair play-ის პრინციპებს ეწინააღმდეგება,არამედ მთელი რუსული ხელბურთისა და სპორტის შეურაცხყოფაა. ჩვენ არ გავაჩერებთ მუშაობას და ვეცდებით ყველა დამნაშავე გამოვიძიოთ“ - აღნიშნა კომიტეტის ხელმძღვანელმა ბორის კიპკეევმა

„ეთიკის დასკვნების არ მჯეროდა. ახალგაზრდა ხელბურთელების საქციელი ქვეყნის ღალატის ტოლფასია. თუ ფაქტები დადასტურდა დიდი ალბათობით ყველა მონაწილე სამუდამო დისკვალიფიკაციას მიიღებს“ - განაცხადა რუსეთის ხელბურთის ფედერაციის პრეზიდენტმა სერგეი შიშკარევმა

ამ ეტაპზე ნაკრებიდან მოკვეთილები არიან : დიმიტრი კანდიბინი, ალექსანდრ მოროზოვი, ნიკიტა გოგოლევი, დმიტრი ფროლოვი, დანილ დიმიტრიევი, მაქსიმ ნაიდუნოვი, მაქსიმ ერმოლინი და გიორგი კირილენკო.

შემოუერთდით ჩვენს Facebook ჯგუფს საგოლე გადაცემა

მსგავსი სიახლეები

ეს გვერდი უკეთ ჩანს მობილურ აპლიკაციაში
ასევე დაგაინტერესებთ
articleimage