Aa Aa
20 სექტემბერი 2021  |  19:40

ოფიციალურად | საქართველოს 18-წლამდე ნაკრებს ახალი მთავარი მწვრთნელი ჰყავს

რამდენიმე დღის წინ CrystalSport-ი წერდა, რომ საქართველოს 18-წლამდე ნაკრებს ახალი მთავარი მწვრთნელი ჰყავდა - ლაშა ფირცხალაიშვილი. მიმდინარე დღეს ეს ინფორმაცია საქართველოს ფეხბურთის ფედერაციამ დაადასტურა და დაწერა:

საქართველოს 18-წლამდე ვაჟთა ნაკრებს, ახალგაზრდა ქართველი სპეციალისტი - ლაშა ფირცხალაიშვილი უხელმძღვანელებს.

ფირცხალაიშვილი, 2011-17 წლებში ვიტ ჯორჯიას ასაკობრივ გუნდებს ხელმძღვანელობდა, ხოლო 2017-19 წლების სეზონებში, კლუბის პირველი გუნდის მთავარი მწვრთნელი გახლდათ, სადაც 2018 წელს, ვიტ ჯორჯიას კრისტალბეთ ეროვნულ ლიგაში დაწინაურება შეძლო.

18-წლამდელთა ეროვნული გუნდი, მომდევნო კალენდარული წლიდან 19-წლამდე ვაჟთა ნაკრები გახდება და ოფიციალური შეხვედრების სერიას, 2023 წლის, მალტაზე გასამართი 19-წლამდე ევროპის ჩემპიონატის, საკვალიფიკაციო რაუნდის ჯგუფური ეტაპის მატჩებით დაიწყებს.

ალექსანდრე იაშვილი (საქართველოს ფეხბურ ვიცე პრეზიდენტი):

ჩვენთვის მნიშვნელოვანია, რომ ეროვნული გუნდების სტრუქტურაში თავის წარმოჩენის საშუალება ახალგაზრდა, ნიჭიერ ქართველ მწვრთნელებს მიეცეთ. მინდა, წარმატება ვუსურვო ლაშას და მის სამწვრთნელო შტაბს.

ლაშა ფირცხალაიშვილი (18-წლამდე ნაკრების მთავარი მწვრთნელი): 

პირველ რიგში, გამოჩენილი ნდობისთვის მინდა მადლობა გადავუხადო ფეხბურთის ფედერაციის ხელმძღვანელობას. ნებისმიერ ასაკობრივ დონეზე ეროვნული ნაკრების მწვრთნელობა უდიდესი პატივი და პასუხისმგებლობაა. დიდი მოლოდინით ველი სამუშაო პროცესის დაწყებას და იმედი მაქვს, რომ თავდაუზოგავი შრომით შევძლებთ დასახული მიზნების მიღწევას.

მომზადებულია საქართველოს ფეხბურთის ფედერაციის მიხედვით

შემოუერთდი ჩვენს Facebook ჯგუფს - საგოლე გადაცემა

მსგავსი სიახლეები

ეს გვერდი უკეთ ჩანს მობილურ აპლიკაციაში
ასევე დაგაინტერესებთ
articleimage