ნინუა ანორთოსის ფეხბურთელია - ქეცბაიამ ნიკა მესამე ცდაზე დაიმატა
ქართველი ფეხბურთელი, ნიკა ნინუა კარიერას თემურ ქეცბაიას „ანორთოსისში“ გააგრძელებს. კლუბებმა შეთანხმებას უკვე მიაღწიეს და ნინუა კვიპროსულ გუნდს 1-წლიანი იჯარით შეუერთდება. მისი ხელფასის დიდ ნაწილს სწორედ კვიპროსელები დაფარავენ.
Η Ανόρθωσις Αμμοχώστου ανακοινώνει τη συμφωνία της με τον @PAOK_FC για το δανεισμό του ποδοσφαιριστή Nika #Ninua . Η συμφωνία θα ολοκληρωθεί μετά τις απαραίτητες ιατρικές εξετάσεις στις οποίες θα υποβληθεί ο ποδοσφαιριστής. pic.twitter.com/1GSSdcQviO
— Anorthosis Famagusta - Official (@anorthosisfc) August 30, 2021
საინტერესოა, რომ ქეცბაიას გუნდი ნინუას გადაბირებას გასული სეზონიდან ცდილობს. „პაოკმა“ „ანორთოსისის“ წინადადება 2-ჯერ უარყო, თუმცა გამომდინარე იქიდან, რომ ბერძნულ კლუბში ქართველ ფეხბურთელს სათამაშო დრო არ ეძლევა, პოზიცია შეცვალა.
შეგახსენებთ, ნიკა ნინუა თბილისის „დინამოს“ აღზრდილია და ბერძნულ კლუბს 2020-21 წლების სეზონის დასაწყისში შეუერთდა. ნიკამ „პაოკის“ მაისურით 12 მატჩში 2 გოლი შეაგდო და 1 საგოლე პასი შეასრულა. მას კლუბთან კონტრაქტი 2024 წლის 30 ივნისამდე აკავშირებს.
შემოუერთდით ჩვენს Facebook ჯგუფს საგოლე გადაცემა
