„ოქროს ბურთი მესიმ უნდა მოიგოს“ - დიეგო სიმეონე
მადრიდის „ატლეტიკოს“ მთავარმა მწვრთნელმა დიეგო სიმეონემ ახსნა, თუ რატომ უნდა მოიგოს 2026 წელს სეზონის საუკეთესო ფეხბურთელის ჯილდო - „ოქროს ბურთი“ არგენტინის ნაკრების ყოფილმა თავდამსხმელმა ლიონელ მესიმ.
„2026 წლის „ოქროს ბურთი“ ლეო მესიმ უნდა მიიღოს. ყოველგვარი ეჭვის გარეშე. თუ გავითვალისწინებთ მსოფლიო ჩემპიონატს, რომელიც მან თავის ასაკში ჩაატარა… ეჭვგარეშეა“, - ციტირებს სიმეონეს სიტყვებს ჟურნალისტი ფაბრიციო რომანო სოციალურ ქსელ X-ის საკუთარ გვერდზე.
2026 წლის მსოფლიო ჩემპიონატზე 39 წლის მესი არგენტინის ნაკრებთან ერთად ფინალში გავიდა. მსოფლიო პირველობაზე თავდამსხმელმა რვა შეხვედრაში 8 გოლითა და 4 საგოლე გადაცემით გამოიჩინა თავი.
შეგახსენებთ, რომ 2026 წლის ოქროს ბურთის დაჯილდოება 26 ოქტომბერს, ლონდონში გაიმართება.
