„ძალიან ბედნიერი ვარ" - ვილი სანიოლმა დინამო ბათუმს გამარჯვება მიულოცა
ოთხი ქართული კლუბიდან ევროტურნირები მხოლოდ „დინამო" ბათუმისთვის გრძელდება.
კონფერენს ლიგის მეორე საკვალიფიკაციო ეტაპზე, ბათუმი არენაზე მინიმალური მარცხის შემდეგ (1-0), გია გეგუჩაძის გუნდმა „ბატე" (ბელარუსი) სტუმრად, ანგარიშით - 1-4 დაამარცხა (ორი მატჩის ჯამში - 2-4) და კონფერენს ლიგის მესამე საკვალიფიკაციო ეტაპზე „სივასპორს" (თურქეთი) დაუპირისპირდება.
დინამო ბათუმის მიერ ჩატარებულ შთამბეჭდავ საპასუხო შეხვედრას საქართველოს ეროვნული ნაკრებია მთავარი მწვრთნელი, ვილი სანიოლი სოციალური ქსელით გამოეხმაურა:
„ძალიან ბედნიერი ვარ. მინდა, ეს ფანტასტიკური მატჩი და გამარჯვება მოგილოცოთ!
წარმატებები შემდეგ ეტაპზე, გახადეთ მთელი ქვეყანა კიდევ ერთხელ ამაყი!"
View this post on Instagram
ფრანგმა სპეციალისტმა საქართველოს ეროვნულ ნაკრების ბოლო შეკრებაზე „დინამო" ბათუმიდან 4 ფეხბურთელი იხმო, მათ შორის: ლაზარე კუპატაძე (მეკარე), გრიგოლ ჩაბრაძე (მცველი), ირაკლი აზაროვი (მცველი) და ჯაბა ჯიღაური (ნახევარმცველი).
შეგახსენებთ, რომ კონფერენს ლიგის მესამე საკვალიფიკაციო ეტაპზე „დინამო" ბათუმი პირველ მატჩს სახლში (5 აგვისტო) ჩაატარებს, საპასუხო შეხვედრას - სტუმრად (12 აგვისტო).