პირადი დეტალები შეთანხმებულია - ჯაკა რომაში ითამაშებს
ბოლო პერიოდის განმავლობაში „არსენალის“ ნახევარმცველს გრანიტ ჯაკას „რომას“ უკავშირებენ. დღეს კი Sky Sports-ის ჟურნალისტმა ანჯელო მანიანტემ ამ საკითხთან დაკავშრებით ექსკლუზიური ინფორმაცია გაავრცელა.
„გრანიტ ჯაკა მოურინიოს და „რომას“ შემდეგ კვირაში პორტუგალიაში „ჯალოროსის“ საწვრთნელ ბაზაზე შეუერთდება. ჟოზე მას ელოდება. პირადი დეტალები შეთანხმებულია, ხოლო კლუბებს შორის მოლაპარაკება თითქმის დასრულდა.“ - წერს „ტვიტერის“ საკუთარ გვერდზე მანიანტე
Granit Xhaka will join Mourinho next week in the AsRoma training camp in Portugal, Algarve. Mourinho is pushing and waiting for him. Personal terms are already agreed. The deal between AsRoma and Arsenal is almost done. @SkySport#Transfers #AFC pic.twitter.com/pCgTBp8n57
— Angelo Mangiante (@angelomangiante) July 20, 2021
ცნობისთვის, გრანიტ ჯაკას ტრანსფერი პირადად პორტუგალიელმა სპეციალისტმა მოითხოვა. "რომაში" დანიშვნის დღიდან, მოურინიოს ერთ-ერთი პრიორიტეტი სწორედ "არსენალის" კაპიტანია.
ჯაკა „არსენალში“
შვეიცარიელი ფეხბურთელი „მეთოფეებს“ 2016 წელს „გლადბახიდან“ შეუერთდა. ამ პერიოდის განმავლობაში ამპლუით ნახევარმცველმა „არსენალის“ მაისური ყველა ტურნირზე ერთად 220-ჯერ მოირგო, 13 გოლი გაიტანა და 20 საგოლე გადაცემა შეასრულა.