მეორე გამარჯვება ფინიქსს - იანისის 42-მა ქულამ მილუოკი ვერ გადაარჩინა
ნაციონალური საკალათბურთო ასოციაციის სუპერფინალურ სერიაში „ფინიქს სანსმა“ კომფორტული უპირატესობა მოიპოვა. არიზონელებმა საკუთარ კედლებში გამართული მეორე შეხვედრაც მოიგეს და სერიაში 2-0 დაწინაურდნენ.
მატჩის სტარტზე, ინიციატივას „მილუოკი“ ფლობდა და „ბაქსმა“ პირველ მეოთხედში 3 ქულით იმარჯვა, თუმცა მეორე თორმეტწუთეული 16-30 წააგო. მეორე ნახევარში, „მილუოკიმ“ თამაშში გარდატეხის შეტანა სცადა და ჩამორჩენა 6 ქულამდე დაიყვანა. „ბაქსის“ ქომაგთა სამწუხაროდ, ეს მათი საყვარელი გუნდის მაქსიმუმი აღმოჩნდა და „ფინიქსმა“ 118-108 იმარჯვა.
#NBAPlayoffs career-high 27 points for Mikal Bridges as the @Suns go up 2-0! #ThatsGame #NBAFinals Game 3 - Sun, 8pm/et, ABC pic.twitter.com/yUVz0R2pqm
— NBA (@NBA) July 9, 2021
„სანსს“ დევინ ბუკერმა ულიდერა, რომელმაც 31 ქულა, 5 მოხსნა და 6 შედეგიანი გადაცემა დააგროვა. მაიკალ ბრიჯისს ბრწყინვალე საღამო ჰქონდა და 27 ქულითა და 7 მოხსნით გამოირჩა. კრის პოლმა 23 ქულა, 4 მოხსნა და 8 შედეგიანი გადაცემა გაიფორმა, ხოლო კრაუდერმა და ეიტონმა 11 და 10 ქულა ჩააგდეს.
23 PTS, 8 AST for @CP3 in Game 2. #ThatsGame@Suns lead #NBAFinals presented by YouTube TV 2-0.. Game 3 is Sunday at 8pm/et on ABC. pic.twitter.com/8CAb1YY6Tj
— NBA (@NBA) July 9, 2021
„კარგ პოზიციაში ვიმყოფებით, საკუთარი გუნდის გვჯერა და 2 დღის შემდეგ, მილუოკიში მნიშვნელოვანი მატჩი გველის. ჩვენთვის ახლა სერიაში ანგარიში 0-0-ია და არა 2-0. სეზონის ამ ნაწილში, ფინიქსისთვის თითოეული შეხვედრა მე-7 თამაშის ტოლფასია. კონცენტრირებული ვართ, ვიცით, რომ ბაქსი შესანიშნავი გუნდია და მილუოკიში ხმაურიანი გარემო დაგხვდება, თუმცა ვფიქრობ, ამისთვის მზად ვართ“, - განაცხადა ბუკერმა მატჩის შემდეგ.
???? @DevinBook in Game 2:
— NBA (@NBA) July 9, 2021
31 PTS
7 3PM@Suns go up 2-0 in the #NBAFinals presented by YouTube TV.. Game 3 is Sunday at 8 PM ET on ABC. #ThatsGame pic.twitter.com/E6BV9f6Nr8
„მილუოკის“ რაც შეეხება, „ბაქსს“ 42 ქულითა და 12 მოხსნით იანის ანტეტოკოუნმპომ ულიდერა. ჯრუ ჰოლიდეის 17 ქულა ჰქონდა, თუმცა 21-დან მხოლოდ 7 ბურთი ჩააგდო, მიდლტონმა კი 16-დან 5 სროლა გამოიყენა და 11 ქულას დასჯერდა.
HUGE Game 2 for @Giannis_An34.
— NBA (@NBA) July 9, 2021
▪️ #NBAPlayoffs career-high 42 PTS
▪️ 12 REB, 3 BLK
▪️ 20 PTS in 3Q (most in #NBAFinals quarter since MJ in 1993)#ThatsGame
Game 3: Sunday, 8 PM ET, ABC pic.twitter.com/Nd3GQcVs1F
ამრიგად, „ფინიქსი“ 2-0-ს იგებს და მომდევნო შეხვედრას სტუმრად გამართავს. სერიის მე-3 მატჩი 12 ივლისს, თბილისის დროით 04:00-ზე დაიწყება.
