ლეგენდარული მატჩი - კევინ დურანტის ბრწყინვალება და დამარცხებული მილუოკი
„ბრუკლინ ნეთსმა“ „მილუოკი ბაქსს“ სერიის მე-5 შეხვედრა მოუგო და 3-2 დაწინაურდა. სტივ ნეშის გუნდმა უმნიშვნელოვანესი გამარჯვება მოიპოვა და საკადრო პრობლემების მიუხედავად, მეტოქე 114-108 დაამარცხა.
„ბრუკლინის წარმატების მთავარი სულისჩამდგმელი კევინ დურანტი იყო, რომელმაც კარიერის ერთ-ერთი საუკეთესო თამაში ჩაატარა. „კეიდის“ არ დაუსვენია, პარკეტზე 48 წუთი დაჰყო და 49 ქულა, 17 მოხსნა, 10 შედეგიანი გადაცემა, 3 ჩაჭრა და 2 დაფარება მიითვალა.
დურანტი NBA-ის ისტორიაში პირველი კალათბურთელია, რომელმაც პლეიოფის შეხვედრაში მინიმუმ 45 ქულა, 15 მოხსნა და 10 შედეგიანი გადაცემა დააგროვა. ამასთან, „ბრუკლინის“ ბოლო 52 ქულიდან „კეიდიმ“ მონაწილეობა 43-ში მიიღო და ლებრონ ჯეიმსის შემდეგ პირველი კალათბურთელია, რომელსაც პლეიოფის მატჩში არ დაუსვენია.
A 49-point triple-double. Just incredible.
— Brooklyn Nets (@BrooklynNets) June 16, 2021
???? @KDTrey5 ???? pic.twitter.com/nRNmDN2qaC
დურანტს მხარი ჯეფ გრინმა აუბა, რომელმაც 8-დან 7 სამქულიანი ჩააგდო და 27 ქულა ჰქონდა. ბლეიკ გრიფინის ანგარიშზე 17 ქულა იყო, ხოლო ჯეიმს ჰარდენმა 5 ქულა, 6 მოხსნა და 8 შედეგიანი გადაცემა გაიფორმა, თუმცა 8 სამქულიანი გააცუდა და 10-დან მხოლოდ 1 ბურთი ჩააგდო.
???? @unclejeffgreen was on fire in G5 ????
— NBA (@NBA) June 16, 2021
27 PTS | 7-8 3PM | #ThatsGame@BrooklynNets seek ECF berth in G6 on Thursday at 8:30pm/et on ESPN. pic.twitter.com/DIU3cXKr8S
„მილუოკის“ რიგებში საუკეთესო იანის ანტეტოკოუნმპო იყო, რომელმაც 34 ქულა და 12 მოხსნა დააგროვა. კრის მიდლტონს 25 ქულა ჰქონდა, ხოლო ჯრუ ჰოლიდეი და ბრუკ ლოპესი 19 და 15 ქულას დასჯერდნენ.
Greek Freak. And-One. pic.twitter.com/Yr6up2lprz
— Milwaukee Bucks (@Bucks) June 16, 2021
შეგახსენებთ, რომ „ბრუკლინი“ სერიაში 3-2-ს იგებს და მომდევნო შეხვედრას სტუმრად გამართავს. „ნეთსისა“ და „ბაქსის“ მე-6 მატჩი 18 ივნისს გამართავს.