Transfermarkt-ზე ყველაზე ნახვადი ფეხბურთელია - ხვიჩა ჰოლანდზე, მესისა და რონალდუზე წინ
საქართველო-ესპანეთის მატჩის შემდეგ, ხვიჩა კვარაცხელია საფეხბურთო სამყაროს დიდი ნაწილის ყურადღების ცენტრში მოექცა და ამას ცნობილი გერმანული სააგენტოს, transfermarkt-ის მონაცემებიც მოწმობს.
Transfermarkt.com-ზე 20 წლის ქართველი შემტევი დღის ყველაზე ნახვადი ფეხბურთელია. შედეგები ბოლო 24 საათის მიხედვითაა დათვლილი და კვარაცხელია ერლინგ ჰოლანდს, კრიშტიანუ რონალდუს, ლიონელ მესისა და სხვებს უსწრებს.
Transfermarkt-ზე ბოლო 24 საათის ყველაზე ნახვადი მოთამაშეების სია ასე გამოიყურება:
1 - ხვიჩა კვარაცხელია
2 - ერლინგ ჰოლანდი
3 - იბრაჰიმ კონატე
4 - კრიშტიანუ რონალდუ
5 - ლიონელ მესი
6 - ოზან ტუფანი
7 - კილიან მბაპე
8 - რობერტ ლევანდოვსკი
9 - ანდრე სილვა
10 - ზლატან იბრაჰიმოვიჩი
საქართველოს ნაკრებმა მსოფლიოს 2022 წლის ჩემპიონატის შესარჩევი ეტაპის საწყის ორ მატჩში - შვედეთთან და ესპანეთთან ქულა ვერ აიღო, თუმცა თამაშის ხარისხი და გუნდურობა ოპტიმისტურად განგვაწყობს. ვილი სანიოლის გუნდი 31 მარტს, საბერძნეთის ნაკრებს სალონიკში შეხვდება.