ქინქლაძე, დი სტეფანო, ბესტი და სხვები | ევროს მიღმა დარჩენილი ტოპ ფეხბურთელები

ბრიტანულმა ჟურნალმა, Four Four Two-მ საინტერესო რეიტინგი შეადგინა და დაასახელა საუკეთესო ფეხბურთელები, რომლებსაც ევროპის ჩემპიონატებზე არასდროს უთამაშიათ. Four Four Two-ს რჩეულთა შორის ქართველ მოთამაშესაც ვხედავთ და ტოპ 12-ში გიორგი ქინქლაძე მოხვდა.

„გიორგი ქინქლაძე რამდენიმე წლით ადრე რომ დაბადებულიყო, ალბათ, დსთ-ს ნაკრებში მოხვდებოდა, რომელმაც სსრკ-ს დაშლის შემდეგ, ევრო 92-ზე იასპარეზა. მანჩესტერ სიტის გულშემატკივართა ფავორიტის სანაკრებო დებიუტი 1992 წლამდე არ შედგა, საქართველოს კი 2024 წლამდე დიდ ტურნირზე თამაშის უფლება არ ჰქონდა მოპოვებული“, - წერს Four Four Two.

ბრიტანული ჟურნალის რეიტინგში ქინქლაძე მე-11 პოზიციას იკავებს და მატ ლე ტისიეს უსწრებს. მე-10 ადგილზე იარი ლიტმანენია, მეცხრეზე ჯონი ჯაილზს ვხედავთ, მერვეზე - დავიდ ჟინოლას, მეშვიდეზე - ზბიგნევ ბონეკს, მეექვსეზე - კენი დალგლიშს.

Four Four Two-ს ხუთეული ასე გამოიყურება: პაოლო როსი (მეხუთე ადგილი), ჯონ ჩარლზი (მეოთხე ადგილი), ეუსებიო (მესამე ადგილი), ჯორჯ ბესტი (მეორე ადგილი), ალფრედო დი სტეფანო (პირველი ადგილი).