ეშლი იანგს კორონავირუსი აქვს - ინგლისელი ინტერის მე-6 ინფიცირებულია
მილანის "ინტერში" კატასტროფული სიტუაციაა. კლუბის ოფიციალური ვებ-საიტი გვამცნობს, რომ ეშლი იანგს კოვიდ ინფექცია დაუდასტურდა და ის რიგით მეექვსე ინფიცირებული ფეხბურთელია.
???? | COMUNICATO
— Inter (@Inter) October 11, 2020
FC Internazionale Milano comunica che Ashley Young è risultato positivo al Covid-19
???? https://t.co/QkYiKaO9lt #FCIM
ეშლის ტესტი გუშინ ჩაუტარდა და ახლა ის იზოლაციაშია გადაყვანილი, სადაც შესაბამის მკურნალობას გადის. "ნერაძურის" შემადგენლობაში კორონავირუსი აქამდე რაჯა ნაინგოლანს, ალესანდრო ბასტონის, რობერტო გალიარდინის, მილან შკრინიარს და იონუც რადუს დაუფიქსირდა.
აღსანიშნავია, რომ კლუბისთვის შექმნილი ვითარება საკმაოდ არასასიამოვნოა, რადგან მათ სანაკრებო პაუზის შემდეგ მნიშვნელოვანი თამაშები ელოდებათ.
კონტეს შეგირდები 17 ოქტომბერს "მილანს" დაუპირისპირდებიან. ამის შემდეგ კი ჩემპიონთა ლიგა მოდის. "ინტერი" პირველ ტურში "გლადბახს" უმასპინძლებს. შეხვედრა 21 ოქტომბერს გაიმართება.